群記清湯腩 (已結業)

个人喜爱食汤面都会拣有牛腩，因为腩汁味够浓，沟埋汤底，食粉面挂汤会更好食。通常普遍粉面店牛腩面/河都系三十几至四十几蚊已经有一碗，当然整牛腩的功力并非间间好食，有时会食到好腍、好韧、唔入味，所以都宁愿叫筋腩河。不过，食过大埔群记爽腩河（清汤腩）之后，好似觉得外面食唔返咁高水准。的确，有时落去想食，都可能已经排好长队、卖哂或者系无开⋯所以留意佢开店的pattern 价值$66爽腩河👍🏻👍🏻👍🏻👍🏻👍🏻怕韧、怕痴牙就一定食爽腩啦！其实「爽腩」即牛白腩，也叫绷纱腩，系有块筋膜夹着一层瘦肉的腩边。筋膜爽滑，腩肉唔粗鞋！虽然部位系较多脂肪，但煮得咁入味，肥腻感已经煮走哂！份量肉系多过河/面！亦有唔少食客真系叫一碗净爽腩（$160）个人觉得配粉面的爽腩份量都好多！女仔一定食唔哂。只叫净爽腩的通常都系识食、好舍得食之人🤭爽腩冇得外卖拎走，食唔哂都唔畀打包走！