影片
更多
2017-06-23
159 浏览
近年每晚要到油麻地开工，对工作餐没甚么要求，附近平民食市早已经全部食过晒，上月中发现有新车仔面餐厅，装修简约企企理理，即管试下，自此变了近排最爱饭堂。 ^^最先一次去帮衬系食正路嘅车仔面，点左萝卜/ 猪大肠/ 猪红/ 牛腩/ 泰式鱼饼 好丰富既五𩠌面 (𠮶一次冇影相) 加腩汁同埋咖哩汁，送冻绿茶。 埋单好似50蚊左右，今时今日响正弥敦道茶餐厅晚饭点都要六七十，都ok啦，一试食物真心ok，学食神话斋： 猪红合格唔要一夹就散，猪大肠合格要冇污糟嘢，萝卜就要冇渣，佢果种罗白值得一赞，唔系食开嘅味道同埋尺寸，餐牌叫做大根萝卜，见到系推介食品，大半只手掌咁大，唔止冇渣仲好好食。 曾经听过有人话炆萝卜要加冰糖 ，唔知王妈妈加咗乜嘢秘密嘢，总之味道系我食过最好味嘅萝卜。。。 牛腩虽然斩碎上, 但亦可能因为咁，非常淋好入味，我畀满分！ 仲有泰式鱼饼，估佢唔到嘅质感，似混合咗猪耳或者鸡软骨？ 汤底可以话系每一间车仔面嘅灵魂，坊间好多俾人推到上神枱嘅车仔面汤底都系一味够辣，食完全日口干，不过王妈妈的汤底辣得黎似乎冇味精，难得！ 呢一间车仔面唔俾人推到上神枱真系冇理由。。。 讲咗咁耐正常车仔面，但系其实
最先一次去帮衬系食正路嘅车仔面，点左萝卜/ 猪大肠/ 猪红/ 牛腩/ 泰式鱼饼 好丰富既五𩠌面 (𠮶一次冇影相) 加腩汁同埋咖哩汁，送冻绿茶。 埋单好似50蚊左右，今时今日响正弥敦道茶餐厅晚饭点都要六七十，都ok啦，一试食物真心ok，学食神话斋： 猪红合格唔要一夹就散，猪大肠合格要冇污糟嘢，萝卜就要冇渣，佢果种罗白值得一赞，唔系食开嘅味道同埋尺寸，餐牌叫做大根萝卜，见到系推介食品，大半只手掌咁大，唔止冇渣仲好好食。 曾经听过有人话炆萝卜要加冰糖 ，唔知王妈妈加咗乜嘢秘密嘢，总之味道系我食过最好味嘅萝卜。。。 牛腩虽然斩碎上, 但亦可能因为咁，非常淋好入味，我畀满分！ 仲有泰式鱼饼，估佢唔到嘅质感，似混合咗猪耳或者鸡软骨？ 汤底可以话系每一间车仔面嘅灵魂，坊间好多俾人推到上神枱嘅车仔面汤底都系一味够辣，食完全日口干，不过王妈妈的汤底辣得黎似乎冇味精，难得！ 呢一间车仔面唔俾人推到上神枱真系冇理由。。。
讲咗咁耐正常车仔面，但系其实我想 post 嘅系佢哋新出嘅蟹面 XD 佢嘅蟹面系配青咖哩公仔面，够胆卖港币88蚊，(唔系88蚊贵，只系佢哋其他嘢相对上平)
一试青咖哩面好特别，应该唔系食开嘅任何一个牌子！ 而最重要只蟹，实实在在冇花冇假好多蟹肉。 加上一碟酸酸地嘅酱汁，夏天食都好醒胃，之前讲过黄妈妈嘅汤底冇乜味精，呢一个咖哩面唔敢讲有冇，不过我叫咗绝配既山楂罗汉果冰，唔太甜，清热润肺好过饮可乐。 好耐冇特登 login 入嚟留食评，都系希望佢多啲人帮衬，唔会咁快畀地产租金玩残。 毕竟有心做又做得好嘅食店值得支持。 ^^
张贴
