王媽媽車仔麵 (已結業)

想食車仔麵，路過就試下。裝修好有路邊大排檔風格。真係有兩個冷氣機殼扮掛係大廈外邊，又有烏絲燈膽，又有手寫食物名一張張貼在牆上， 長長木枱，no back chair, 有個角位好有街邊食野嘅氣氛，就焗少少啦。去洗手間係要攞鎖匙架， 唔好似我傻更更呆等左先知。湯底，咖哩汁等食物就唔多入味，雖然豬皮超大塊。蘿蔔唔淋無咩甜味。九菜豬紅份量多，呢個比較好味，因為淡淡地唔多味精。菊花蘿漢果水，菊花味完全遮蓋左蘿漢果味，定係蘿漢果落得太少呢？返而個香茅餅好味，真係好有香茅味香茅蓉。油麵比較重鹼水味。我唔係食開濃味野嘅人應為齊體偏淡，無咩食材自己嘅味，味精嘅野四處食都有，睇下廚師落得多與少。

試盤點人生會(已)番嗒的食肆，有多少間？番嗒主因大都是居住及工作地點就近。其次是非常非常好食。就算車程超過一小時，興之所至，也會毫不猶豫，說行便行！在油麻地港鐵站附近，當然也有不少米線及車仔麵店，王媽媽位處彌敦道沿線，地利是佔優。然而，味道方面，又能否成為你番嗒推介？要分析一碗美味的車仔麵，我們借用食神的名句去作反向印證。"鹼水麵冇過冷河，所以成碗湯有鹼水味。"鹼水麵其實不是靠過冷河去掉的，而是靠風乾先吹散，而煮麵的水亦要定時更換，煮好後要好像日本拉麵店的師父用力揈乾水，才澆上湯頭。而麵的質素高，鹼水使用得宜，鹼水味也會不著一點痕跡。而這正需要心思、空間及食材等成本才能達致。我當日是吃粗麵，鹼水味，並沒有發現！"魚蛋亦都冇魚味，但係你為咗掩飾，專登加啲咖喱汁將佢做成咖喱魚蛋，但係咁做太天真嘞，因為你煮嘅時間唔夠，咖喱味根本只係喺表面，而冇入到裡便，掂到湯之後重要沖走埋。好好哋一粒咖喱魚蛋，畀你整到冇魚味亦都冇咖喱味，失敗！"我沒有選魚蛋。因為，我選了招牌泰式魚餅。而湯底，我加選了咖哩汁。有食友說此店食物味道偏鹹，客觀說，是正確。但有些食物，是必須附帶其特質。就像日本拉麵及其叉燒，是偏肥

一直想食個車仔麵，星期日去開油麻地見到呢間王媽媽車仔麵，諗都無諗就衝左入去。車仔麵喎，梗係要包羅萬有啦。我叫左米粉底加四餸，唐生菜、咖哩魚蛋、魚腐、豬皮，怕清湯無味，要埋免費加腩汁。加左腩汁又如何，完全無牛味，淨係覺得成碗野好咸。啖啖米粉都覺得極咸。可能我偏向清淡，所以就唔係好啱我口味。最失敗係咩呀，就係魚蛋死實實唔彈牙，豬紅唔夠軟滑。不過好彩豬皮夠軟夠入味，魚腐大大粒有魚味而唔腥，唐生菜爽口，整體算補救番。米粉唔係超市買果種白色既，係半透明既新竹米粉，口感都唔錯，除左被搞到好咸之外。因為四餸會送凍/熱綠茶，可惜menu無寫，買完先見到牆上張A4紙寫住，所以半價優惠（即係加七蚊）叫左青檸薏米水，薏米都好軟熟，但陣青檸味原來都唔合我喜好，寧願佢加冰糖好過。優惠幾亂，牆上亂貼，似睇到就有，睇唔到就...😅唯一可取係地方寬敞，食飽坐多半個鐘休息下玩手機都無人趕。全餐盛惠$61，四餸車仔麵連飲品黎講算有D貴，其實加多幾蚊可以叫佢既大雜燴餐，但我雞仔肚驚食唔晒會浪費，咁地方舒服比我任坐就當交租。道理同去環境舒適既coffee shop飲咖啡一樣。

新年期間食得太多油膩食品，今曰要食番啲清清地，如粥，粉麵之類。公司附近有間車仔麺店，一向都想試一直沒去過，今日終於可以去了。先付款後送到，服務不錯啊，好似我一人去又要擺位又要取餐，有時覺得麻煩，這裡有專人捧餐，太好了。河粉底，生菜和蘿蔔，看似沒什麼特別，湯底加了牛腩汁，多了一份肉香，喝了後又不覺口渴。河粉滑溜，份量不少。以三十元左右的一碗粉麵，算是不錯。

小友和我都很喜歡吃麵，甚麼日式拉麵、沾麵以至傳統廣東銀絲細麵、上海麵，我們都對它們有一份大愛....而身為半草根階層的我倆，對如車仔麵這一類的亷價食制，也同樣喜歡不已...今天小弟就賣甩了小朋友，獨個兒就到來"王媽媽"處吃麵....食車仔麵，我一向都貪心地在點菜紙亂劃。劃劃下越點越多，最後餸多得要從碗瀉出來....麵底今天要了平常我較少叫的米粉。這裡用的米粉樣子呈半透明狀，入口有些許咬頭硬硬的。個人對之就不太熱愛；牛腩沒有預期中的軟熟，有好幾件咬下去還有渣的；炸腐皮蝦卷用的自不然是現成貨，幸好來貨的水準也可以，質地還算彈牙有蝦鮮；大根蘿蔔就不太行了，和牛腩的一樣，有筋渣；菜蔬方面，這裡有平時其他店少有供應的芽菜，馬上點了加上去。雖然芽菜本身不算很肥美，但算是為了這碗極平凡一般的車仔麵添上了一份特別....

呢間王媽媽新開果時好鐘意黎食，貪佢夠平環境又夠乾淨，而且附近少啲車仔麵店但近排啲份量好似愈黎愈少，有時想幫襯都唔得Lunch食呢間真係好方便，豐儉由人，而且好快手，叫滿四個小食就送一杯綠茶今次叫左三個送，豬手、咖哩魷魚同芽菜老實說佢既味道係唔錯，仲可以免費加咖哩汁或腩汁，重口味人士一定至愛但係每個餸既份量太少！芽菜$8只係得幾條仔！連譚仔送既芽菜都多過佢雖然價錢唔貴，但比左錢叫芽菜最後少到夾唔到黎食都好失望另一個我鐘意呢度既原因係佢個青瓜！好香蒜味，$15都算好抵食！值得推介！份量咁少真係吸引力大減，所以下次黎可能當下午茶，少少地飽下口腹之慾就算啦

走過油麻地轉出彌敦道，看到這 "王媽媽"，是有點裝修的新式車仔麵舖，室內環境衛生還不錯，只是桌椅稍擠。當時是中午最多人的時間，也是自己點了菜拿去付錢，等得稍久，沒啥服務也是情理和意料之中。個人感覺價錢比普通車仔麵舖貴10-20%，但考慮到是旺區地鐵站旁，叫了四五個素菜的車仔麵，雖然要近$50，但也有一定分量，特色醬汁也好味，還是值得一試，尤其在旺區大街的車仔麵店，好味又不算太貴的，這店算是中上，總體打3.5-4分。

泰式魚餅香茅骨 河粉配 腩汁、咖哩汁。$34香茅骨原來係大大件豬排，非常入味，肥瘦適中，炸得好香口泰式魚餅有3件，好有泰國的味道，香料味濃！又彈牙河粉普通滑個湯足料味十足咖哩汁有料到

今晚不太餓，想食少少面就上堂。見到呢間車仔面，人不多，幾闊落，就不防入去試下啦！入到去的裝潢都不錯，水泥的牆身，加上懷舊燈泡，仲有黑紅灰的櫈，中間位置有高bar枱，有面對牆的單面枱，令空間感好闊，好舒服。間鋪樓底高，個但都好細心的位置就係冷氣機的出風位有加到一塊塊的防風板，冷氣唔會直接吹落頭度，啱哂怕凍的朋友！我點食物都覺得好多選擇，不算貴，我不餓，所以點了泰式魚餅和通菜河粉。當我想落order時，我等左一段時間都未有侍應黎serve我，唔該都無人認，點知有位食客先示意我要先行出去俾錢落單，我再周圍望，都無寫明，我眼見有幾位食客同我的情況一樣。我真的見意店舖要寫明先俾錢落單。講返食物，湯面加左腩汁，好鮮味，有陳皮絲的，用料十足，Good!至於個通菜都新鮮，而個泰式魚餅，是有煎過，有香芹菜碎，帶點酸和辣，我覺得鹹左少少，不過都ok

想完堂要自己一個食晚飯，經過呢間餐廳見唔係好多人，個裝修都OK幾吸引所以就入咗去試吓啦！其實價錢方面係依區來講算係平！嘢食方面都幾低，而且都幾多選擇，係非一般嘅車仔麵，但味道就好差！嘢飲就真係偏貴啦！而且選擇唔多，價錢比較合理嘅都係汽水！小食都有好多款叫咗米線炸腐皮蝦卷泰式魚餅鮑汁豬皮先講嗰個米線先底，佢哋係選用透明果種米線，都冇咩問題，個湯底我揀咗腩汁，但係完全食唔到腩汁嘅味道！都唔緊要，食咗啖麵之後，就諗住食泰式魚餅，點知一食係辣嘅，點餐紙又唔寫明，覺得有少少問題，因為我係唔識得辣嘅咁就少咁個餸，都唔緊要腐皮蝦卷，個味道真係超怪好難形容出嚟，唔會係覺得好食，個鮑汁豬皮，食咗一小口之後就完全放棄左碗麵，食落口好似食膠咁！

今日天氣時雨時晴，剛剛經過油麻地又見有點餓，印象中朋友推介一間車仔麵有拆蟹肉車仔麵，見佢講得咁正，就避一避雨及食一碗麵當下午荼吧！入內，先是選車仔麵底及餸，然後付錢。跟著就找了一個位置坐下。雖然很想食拆蟹肉車仔麵，但最終還是選擇了一碗基本車仔麵，一試其斤兩。所以我點了豬大腸($10)、魚餅($10)及米粉($12)。先看米粉，噢，不是一般潮州米粉，似是新竹米粉，這種米粉較易入味及吸湯，不錯。豬小腸用鹵水調製，入味，爽口。魚餅是泰式，本身已有點辣，怕辣的人就要小心啦。食評雖然簡單，但外面很多餐廳連最基本最簡單的餸菜也做不好呢！我覺得王媽媽可以再去幫襯，下次我必會試拆蟹肉車仔麵！

食過兩次。 第一次食人地食評介紹的蟹麵, 蟹新鮮, 但味道沒什特別。 試飲了老公點車仔麵的湯底, 味道不錯。相隔幾天再來, 今次試車仔麵, 食時一定要飲住湯底食, 湯底真的很不錯, 其他配餸卻未夠入味。

今日收工好肚餓，又唔想太飽，經過呢到，知道新開，所以想試下，當時2245佢地同我講收2300 ，不過可以埋先，我見仲有幾枱客，所以我應該唔會阻住佢收工，跟我叫左豬紅（冇乜特別）豆卜（都好普通）跟住叫左份豬扒（好食）淋得黎有肉感，重香芧味，我男朋友叫左牛腩（半淋，半咬唔到）通菜（新鮮）豬腸（冇乜特別），所以係我地叫既送入面豬扒最好食

周不時都會想食車仔麵，但係市區搵車仔麵好似越嚟越難呢間王媽媽開左無耐，裝橫都幾舒適係我平日獨自食午餐嘅首選剛踏入正午，食午餐嘅人唔係好多開放式嘅廚房睇到煮食環境都非常衛生入到黎要喺門口度先點菜同埋俾錢，稍後就會有人送到你嘅座位叫滿四餸就會送凍或熱嘅低糖綠茶，味道同大快活嘅低糖綠茶一樣啱哂唔太好甜嘅我叫咗廚師腸、咖喱魷魚同埋金菇非常足料！咖哩魷魚夠入味，辣度適中湯底可自選加腩汁或者咖喱汁，非常惹味最值得讚嘅係佢個手拍青瓜只要加＄8就有一碟，份量十足，非常抵食！個人十分喜歡食手拍青瓜，尤其係佢呢款唔係辣而係充滿蒜味非常開胃鍾意食青瓜嘅黎到一定要叫

約咗朋友去電影中心睇戲，佢話附近開咗一間新店。叫我一齊試吓。間鋪頭係半自助式，有點餐只俾你畫嘅。話好之後交去收銀處俾錢，店員就會將食物棒到面前。個裝修好簡潔， 不過個座位一啲都唔舒適。完全係快餐嘅格局朋友叫咗個車仔麵加一份手撕雞粉皮，連飲品$70個人覺得價格偏貴，最搞笑係佢點左大根。真係唔明白條蘿蔔咁樣，會唔會好奇怪呢， 係咪可以將去切細件呢？我點左個台式肉碎撈米粉，個感覺好Hea。味道又一般。個米粉煮到好稔，全部黐住一齊。無論價錢。環境。食物質素。我覺得試一次就夠。