火鳳凰火鍋料理 (已結業)

我地点左澳门胡椒猪骨锅，汤底好香浓，有猪骨嘅鲜味同埋胡椒嘅微辣香气，猪骨入面好多猪脊髓，朋友系咁吸入！🐷🍲呢度有好多不同海鲜肉类组合，我地点咗套餐E-佳选牛大哥，入面有美国封门柳、安格斯牛肩胛、高级牛板腱三款肉，全部肉质鲜嫩多汁，尤其系封门柳，好滑好嫩，咬落好多汁，上菜时用一只巨大嘅金牛装住，只牛有张咁大，真系好壮观又霸气，而且金光闪闪，打咭真系一流。🥩🐮🤩除咗牛肉之外，我仲点咗左不少火锅配料打边炉，蛏子好鲜甜，八吋帝皇蟹柳肉质相当厚实，黑松露墨鱼滑香气浓郁而且非常弹牙，系我全晚嘅最爱，娃娃菜新鲜爽口。🦀🍲🍜🥦朋友点左红糖糍粑，非常出色，不会死甜，甜而不腻，食落好烟韧。👍👍👍