過橋麵檔

营业中

休息中

过桥面档嘅另一间铺我食过一次，的确系几好食，但系好多人嘅！依家终于等到佢开分店，可以分散d人流。新店系喺出面买好左野食先，之后佢会俾埋张收据你，坐低之后将收据上面嘅Bar code对准佢set好左嘅机，嘟一下就得，都算几特别，之后坐喺度等食就得喇，无谂过小店都会搅呢d野bor！今次叫左霸王鸡菜饭同埋豉油鸡菜饭，佢本身已经包左任饮，自己行去任饮吧度斟就得喇！豉油鸡食落无咩特别，只鸡系几滑又唔会太咸，不过就肥左少少，未食目测已经见到。至于霸王鸡配有大量嘅葱、炸蒜、姜同埋辣椒，鸡加埋d配料一齐食好香好惹味，而且霸王鸡无豉油鸡咁油，鸡一样都系好滑唔会觉得嚡口。