Belgos

营业中

休息中

Friday night 想揾个价钱合理嘅地方慢慢食、慢慢坐，其实都唔系咁易。Belgos 喺铜锣湾利园附近，晚上人流本身较少，但系餐厅都相当热闹，气氛好好。青口有弹性，够juicy！最怕食𠮶啲又硬又干身嘅青口🤭 白酒汁浓郁，忌廉略多但都未至于腻，点面包同薯条都好正🤟🏻餐厅台上面本身放咗几款酱料，当中包括Mayonnaise 蛋黄酱（美乃滋）同黄芥末。之前去荷兰旅行时食过蛋黄酱薯条超好食，听讲其实系源自比利时嘅，正好可以喺到回味下！中间食咗几样嘢，但系比较一般，印象唔深。伏🙂 标榜系糅合crepe 同waffle特色制成嘅甜品。上台时已经冻咗，干、硬、韧齐晒。另外，侍应嘅服务其实系几好，但系人手似乎唔够，所以好难揾到人帮手，所以不能期望有好好嘅服务。