Jumbo Cafe (已結業)

放工同事相约食下午茶， 见佢买咗新车，一于入大西北揾好食。一人一个 下午茶餐。先嚟蕃茄忌廉汤 ，蕃茄味好浓， 但系完全冇渣，又唔似用茄膏开出黎，个味道好奇妙。 最得人钟意仲有个餐包食。我地叫左炭烧澳洲安格斯西冷扒， 最得人钟意五成熟， 真系啱啱好 肉质鲜嫩 完全唔觉得鞋口。 估唔到仲有配菜 就系沙律薯条。再黎顶级安格斯牛肉芝士汉堡， 一个唔小心 唔记得咗叫走酱， 一向都好怕食酱嘅我， 又一大考验， 估唔到嚟到个样几好食，安格斯牛肉够晒厚身，个人认为大份过足三两。 同样都有配菜 ，一样都系沙律薯条，完全唔会大细超。小食叫左水牛城鸡翼， 胜在够新鲜，大大只， 热辣辣咁拎出嚟， 真系冇得顶。饮品方面叫左橙汁同苹果汁， 久违嘅果汁先生味道。