第三站

好耐都无同朋友去楼上café呢啲青春地方，好开心今次朋友同我去感受下。Café 位于金鸡商场，其实好易揾，行完街就直接上去。六点左右去到已经满左一半人，见到大家都有玩board game，地方都坐得舒服可以同朋友倾计慢慢食。我地叫左一个dinner set同两个小食share，都够食。 蟹肉杂菌忌廉阔条面 HKD118 (仲包一杯HKD38饮品，差额再补) 蟹肉都好多，仲要系坚蟹肉，阔条面好creamy同好够味 蜜糖芥末单骨鸡翼 HKD76 个蜜糖芥末酱好好食，惹味。单骨鸡翼贴心又方便，啖啖肉咬落去就搅掂，岩晒。 墨西哥香草肉丸 HKD76酸酸甜甜又好开胃，肉丸弹牙。 朋友拣左塔罗特饮，叫做节制，由西柚同菠萝汁做底再加啲椰果。 我自己就拣左杯红莓果茶，超细心地有个蜡烛一直烧住所以壶茶每次饮都系热热的，唔怕倾计耐左会冻。后来先见到原来有VIP房，迟下疫情好啲可以再揾多几个朋友开个party，就好似以前细个咁疯狂一日。