別府駅前料理 (青衣城1) (已結業)

青衣有咩好食，我真系唔知，今日食左别府，青衣城3楼，平日来到都有几枱人等位，好在等左一阵就入得。呢度都系一般日本餐厅装潢，用左别府名物做logo，有卡位，有一般枱，都唔会觉得逼。menu好多选择，一般日本料理都有，有个新嘅鱼虾蟹盛宴，有软壳蟹天妇罗、蟹肉忌廉饼、炸物、寿司、牛舌咁，人均都系百零蚊。海老豚骨拉面：好快上枱，除左有只虾、豚肉，仲有好多樱花虾，汤底闻落几香，亦都唔会话好腥。大虾肉实、爽口。叉烧唔肥，好腍身面偏腍。软壳虾天妇罗：一份有软壳虾两只，冬菇，金菇咁，粉浆薄，口感香脆。炸物盛合有齐鸡脆骨、年糕薯饼同吉列蚝。炸得脆口，唔会话油淋淋！年糕好烟韧三文鱼吉列虾卷一份四件，好大旧架，而且口感丰富。火山牛丼一份有汤、沙律、刺身同牛舌丼，仲跟埋饮品，呢个抵。沙律、汤刺身还好牛舌饭份量唔少，有5件牛舌，都几腍同香，饭粒有捞酱嘅，不过都仲粒粒分明明。