影片
更多
2024-08-11
401 浏览
夜麻麻先黎食晚餐，打开app见到有间「小猪妈」，平时我叫开新铺头既外卖，都会惯性开open rice 睇下啲食评先，一开open rice,竟然写佢收左工，但系app有得叫㖞，就打个电话问清楚先，原来「小猪妈」系收凌晨2点架，希望open rice 快啲改番个营业时间，唔系会好多人都错过左依间小店🥹一共叫左7样野：-小猪妈炸酱面原谅我捞到佢乱哂🤣一黎到个面好靓架，仲好多料，但系太肚饿食紧先记得影相，搞到啲料系哂个底度，叫外卖面最怕系啲面会焗到淋哂，但系佢依只面仲保持到弹牙，肉碎好冧好入味，个面有啲蒜茸，捞埋一齐仲劲香口！！-小猪妈手工煎饺我叫左椰菜粟米猪肉饺，睇相可以睇到佢好足料，但系睇唔到佢咬开个一下既爆汁！我一打开见佢啲饺系炸既，仲心谂一定会炸到干哂🥲点知有惊喜！劲多汁，个馅仲好入味，佢一份有十只，我食左6只已经饱饱地🤣🤣佢仲有跟左个饺子汁，一样咁出色！个饺子点左佢即刻开胃左，佢个汁系辣椒油同醋整既，但系提鲜得黎又唔会过咸过辣！个味调得岩岩好！一定要试-拍青瓜，凉拌莲藕，无骨凤爪全部我都要左小辣拍青瓜我钟意佢会清左个青瓜囊，因为唔清既话就会系咁出水而拎到碟青瓜冇哂味，佢清左就可以保
一共叫左7样野：
-小猪妈炸酱面
原谅我捞到佢乱哂🤣一黎到个面好靓架，仲好多料，但系太肚饿食紧先记得影相，搞到啲料系哂个底度，
叫外卖面最怕系啲面会焗到淋哂，但系佢依只面仲保持到弹牙，肉碎好冧好入味，个面有啲蒜茸，捞埋一齐仲劲香口！！
-小猪妈手工煎饺
我叫左椰菜粟米猪肉饺，睇相可以睇到佢好足料，但系睇唔到佢咬开个一下既爆汁！我一打开见佢啲饺系炸既，仲心谂一定会炸到干哂🥲点知有惊喜！劲多汁，个馅仲好入味，佢一份有十只，我食左6只已经饱饱地🤣🤣
佢仲有跟左个饺子汁，一样咁出色！
个饺子点左佢即刻开胃左，佢个汁系辣椒油同醋整既，但系提鲜得黎又唔会过咸过辣！个味调得岩岩好！一定要试
-拍青瓜，凉拌莲藕，无骨凤爪
全部我都要左小辣
拍青瓜我钟意佢会清左个青瓜囊，因为唔清既话就会系咁出水而拎到碟青瓜冇哂味，佢清左就可以保持到青瓜既清爽！
莲藕都好好食，但系就系普通凉拌莲藕，系好食既，不过冇咩特别点可以讲🤣
无骨凤爪，佢个简介系写酸酸甜甜小小辣辣
完全冇错，佢个酸甜系食左会开胃既酸，好正，一份都唔小，唯一美中不足就系可能白萝卜未当造，食落有啲苦
-腐竹鸡蛋糖水
最欣赏系佢小甜仲要好足料！宜家好小食到腐竹鸡蛋系有白果🥹腐竹，薏米，白果，鸡蛋有齐哂真系好开心，又好好味
-茶叶蛋
睇个颜色好深色，可惜唔入味🥹唯一一样唔推荐既野食🤣
可惜我一个月先番娘家一次🥹🥹唔系我应该会成日叫，夏天系食面，凉拌，饺子，糖水既日子，依间「小猪妈」正正满足哂我既要求🤣🤣
张贴
