魚眾不同酸菜魚 (長發廣場)

营业中

休息中

平时食酸菜鱼一系出九龙一系返大陆，今次就试吓呢间屋邨都揾到黎食嘅酸菜鱼今次就拣咗一个老坛酸菜汤配鲷鱼，虽然酸菜鱼嚟讲呢我都食得唔少嘅，但系配搭鲷鱼真系第一次。佢呢到个汤底酸辣鲜香。酸菜唔会过份嘅酸抢左鱼嘅鲜美，两者做到好好嘅平衡。另外佢加入左辣椒等嘅香料，小小嘅辣味令到我哋更加开胃。更加重要嘅系我哋今次拣咗佢嘅鲷鱼，入口相当之弹牙，唔会一入口就散晒。鱼味香浓，加埋个汤底一齐食，酸辣香一啖食匀晒，令人回味无穷。同埋，佢可以加入唔同嘅配料好似蔬菜、豆腐、午餐肉咁，都令到酸菜鱼嘅味道变化更加大，口感更加丰富。另外我都嗌咗佢个川味口水鸡，相对佢个老坛酸菜鱼嚟讲，呢个川味口水鸡就比较普通。虽然鸡嘅处理唔错，食落唔会好韧，但系佢个川味略嫌酸亦唔够辣。可能为咗配合大众嘅口味，唔敢调校成太辣。但就似一个唔太口水嘅口水鸡。但系拎嚟送饭仍然系一流嘅配搭。