早安越南 (已結業)

喺黄埔睇完戏，所以想喺黄埔新天地揾餐厅食晚饭，见到呢间新开嘅早安越南，价钱唔贵，所以一试。我地每人叫左一个set，分别系生牛肉汤河，青咖喱鸡扒饭，配咸柠可乐同柠檬柚子蜜。另外仲叫咗一个蛋黄黄咖喱软壳蟹。食越南嘢食当然要食生牛肉汤河啦，汤底清甜有肉味，河粉唔散，不错！青咖喱鸡扒饭几惊喜，青咖喱味道浓郁少辣，鸡扒煎得香脆可口，令人胃口大开！不过最惊喜一定系蛋黄黄咖喱软壳蟹，估唔到软壳蟹总共有三只咁多，而且有法包浸左落黄咖喱入面。虽然黄咖喱味道好重，但系食得出蛋黄嘅味道，非常惊喜，绝对值得一试！餐厅装饰有风格，而且用嘅杯具都印上左图案，可见用心！喺香港以平价位食到呢个质素嘅越南菜，绝对惊喜！