漫花燈火OMG (已結業)

餐厅门口系一道神秘嘅粉红色大门，一推开就系万花筒嘅走廊，好多人都会晌度打卡，坚靓！走到入中间大厅天花满满紫滕花，色彩缤纷嘅墙身。坐边个位影相都咁靓👍🏻食物方面，我就觉得价钱偏贵，我哋散叫：🍴南瓜忌廉汤 味道正常，ok嘅。🍴黑鱼子面包蟹意大利饭 面包蟹盖装住意大利饭装到好满，味道都不过不失。蟹盖下面垫住好多石春，要小心啲饭好易跌落d石春罅😅🍴慢煮比利时猪鞍伴脆甜番薯条 店员好细心地提前话俾我哋听，因为系慢煮嘅关系，所以切开个肉系偏粉红色嘅，食落都好juicy，番薯条都炸得好脆，甜甜地几好食。🍮罗浮圆宇宙 卖相唔错，不过味道偏酸，唔太啱我口味。🍹OMG 5C - 唔够冻、味道偏淡、一般。🍹红火龙果西瓜士多啤梨奶昔 - 味道偏淡。🍹芒果热情果橙沙 - 得呢杯比较好饮d。呢度服务同环境都好，不过价钱老实讲就贵左d。如果食物同饮品质素再提升一下就更完美。