羅麥記 (奧海城2期) (已結業)

成日听呢间，今次终于嚟咗食，佢俾我感觉就系高级啲干净啲靓啲嘅茶餐厅。今次lunch叫咗几样嘢食同朋友share，咁就可以食多几款～干炒牛河好食，好够味，但油咗啲，牛肉片又腍又入味。星洲炒米炒得都够镬气，调味刚好瑞士鸡翼捞通粉瑞士汁好浓，鸡翼都算滑，但捞通粉就有啲怪。如果系捞面捞丁会开心啲，但原来转捞丁要加$10，贵咗啲。仲跟埋个炒蛋多士，少蛋好滑，好食。椒盐猪扒饭油咗啲，但几好食嘅，整体都唔错。呢到价钱尚可接受，都会再帮衬。