米走雞Deluxe (已搬遷) 新店位置

去过几间「米走鸡」，我觉得啲火锅料唔错。今次和两个朋友去铜锣湾呢间试吓，首先叫咗个大鸡煲，再加埋一大碟靓靓雪花肥牛，脆鲩鱼腩，竹笙墨鱼滑，芝士丸，脆炸响铃、菜等。首先系店员表演开火鸡煲，原来大鸡煲嘅份量真系认真唔少，我哋三个食完鸡煲都食到六成饱🤣🤣特别值得一赞嘅系雪花肥牛和脆炸响铃，由于我哋唔系嗌最贵𠮶种肥牛，本身都唔系咁大期望，结果一食落又觉得真系唔错㖞，几嫩滑，绝对值得推介。脆炸响铃好大件，浸落鸡煲好惹味😋😋餐厅座位都几阔落，位于铜锣湾闹市， 10分方便。