影片
更多
2021-10-19
1929 浏览
十月终于等到第二期消费劵来临，俾二千蚊我哋使就等如皇恩浩荡😑。其实拎住呢旧钱都唔敢大吃大喝，所以都系精明为上。我同呀妈星期六去咗尖沙咀嘅「茴香」食晏，因为见佢周末都有提供午市套餐，好似几抵食咁。餐厅位于山林道银座17楼，居高临下，客人可将尖沙咀一带嘅城市景色一览无遗🌆。同时，呢度装修亦都唔错，摆放咗唔少植物作点缀，环境让人舒服放松。午餐一共有九款选择🍽，价钱由$68至$128不等，包指定冷热饮品。除咗牛扒较贵之外，我认为其他款式一律可以用性价比高嚟形容，唔好忘记呢度系尖沙咀区㖞。新西兰鲜牛肉眼配泰国虾片黑松露野菌汁($128)，店员温馨提示牛扒系偏薄身，咁都好嘅，等客人掌握多啲资讯先确定落单😛。牛扒其实都OK嘅，够大块，厚度就类似牛小排，但始终偏薄，所以熟度比较难控制，幸好肉质并无变韧，牛味亦保持浓郁🥩。伴旁嘅黑松露汁几惹味，咸香十足。配菜部份几缤纷，𠮶几块泰国虾片超爽脆，而另外嘅薯菜亦几好食🥔。去骨海南鸡饭配当归萝白鸡清汤($78)，呢碟海南鸡饭好高质，就连呀妈都赞不绝口👍。海南鸡同油饭都处理得好好，份量亦适中。首先，佢啲海南鸡整得超级嫩滑🐔，但同时亦不乏弹性。鸡肉去骨去得好干净，白
十月终于等到第二期消费劵来临，俾二千蚊我哋使就等如皇恩浩荡😑。其实拎住呢旧钱都唔敢大吃大喝，所以都系精明为上。我同呀妈星期六去咗尖沙咀嘅「茴香」食晏，因为见佢周末都有提供午市套餐，好似几抵食咁。
餐厅位于山林道银座17楼，居高临下，客人可将尖沙咀一带嘅城市景色一览无遗🌆。同时，呢度装修亦都唔错，摆放咗唔少植物作点缀，环境让人舒服放松。
午餐一共有九款选择🍽，价钱由$68至$128不等，包指定冷热饮品。除咗牛扒较贵之外，我认为其他款式一律可以用性价比高嚟形容，唔好忘记呢度系尖沙咀区㖞。
新西兰鲜牛肉眼配泰国虾片黑松露野菌汁
$128
47 浏览
0 赞好
0 留言
新西兰鲜牛肉眼配泰国虾片黑松露野菌汁($128)，店员温馨提示牛扒系偏薄身，咁都好嘅，等客人掌握多啲资讯先确定落单😛。牛扒其实都OK嘅，够大块，厚度就类似牛小排，但始终偏薄，所以熟度比较难控制，幸好肉质并无变韧，牛味亦保持浓郁🥩。伴旁嘅黑松露汁几惹味，咸香十足。配菜部份几缤纷，𠮶几块泰国虾片超爽脆，而另外嘅薯菜亦几好食🥔。
去骨海南鸡饭配当归萝白鸡清汤
$78
31 浏览
0 赞好
0 留言
去骨海南鸡饭配当归萝白鸡清汤($78)，呢碟海南鸡饭好高质，就连呀妈都赞不绝口👍。海南鸡同油饭都处理得好好，份量亦适中。首先，佢啲海南鸡整得超级嫩滑🐔，但同时亦不乏弹性。鸡肉去骨去得好干净，白𠽌𠽌无瘀黑，又够入味，沾埋三色酱食(即系黑酱油、酸辣酱同姜蓉)，更可还原传统风味。🍚油饭呈淡黄色，并渗透出啖啖油香，但如果能够干爽啲会更佳。
当归萝白鸡清汤，汤品比平日嘅冬瓜汤好饮得多🤤，味道浓郁，又够热。由于加咗当归同红枣杞子等一齐煲，所以带点药膳汤嘅感觉，但唔算苦，易入口。
饮品方面，餐饮包冻芒果绿茶同热柚子蜜，我哋都要咗冻饮，天气热嘛。🥭芒果绿茶好大杯，味道都几香，但有少少甜，沟啲水会好啲。
午餐有加配选项，其中加$28(每人)可享沙律吧🥗。我认为食物选择唔算多，不过胜在价钱唔贵。自助吧有得拎西瓜、红火龙果、鸡丝木瓜沙律、薯仔鸡蛋沙律、番薯、羽衣甘蓝、沙律菜同椰汁西米糕，另外亦有多款酱汁可选。
我哋乜都拎咗啲，食下食下都几饱️。椰汁糕好重椰香，必食推介🥥。
总括嚟讲，今日同妈妈品尝咗一顿唔错嘅半自助泰式午餐🇹🇭😍，大家都好满意，并一致认为可再次帮衬。后来我向喺尖沙咀返工嘅朋友们推介呢度，佢哋话一早就知呢间正嘢，仲成日去食添啦！
张贴
