築地‧山貴水產市場 (已結業)

东京嘅筑地就未曾去过，唯有来香港呢个筑地潮圣下。尤记得刚开业时，都引起过热潮，今日平日晚上时间都比我想像中人多，虽然不至于话要预订位置。呢度有拉面、炉端烧、寿司等，我地选择左有食寿司。店员好快安排左位置，有幸望到海景，环境非常舒适。对住香港夜景食饭，特别开胃点左两份寿司set，分别系炙烧寿司盛(10件)，价钱系198；极上寿司盛(12件)，价钱系398，总数22件寿司，基本上两个人食都非常足够。极上寿司盛有海胆、中吞拿鱼腩、大吞拿鱼腩、金目鲷、深海池鱼、鲭鱼、牡丹虾等等，再加3件季节精选。海胆鲜甜美味，大拖油脂满满，口感劲正，好似食紧和牛咁嫩滑。帆立贝新鲜，味道好突出。秋刀鱼应该系精选，鱼味浓郁炙烧寿司盛(10件)十件分别有油甘鱼、中吞拿鱼腩、左口鱼边、牡丹虾、太刀鱼等，再加3件季节精选。价钱唔贵，虽然有几款同以上相同，但火炙过口感同味道都唔一样，烧过嘅鱼生特别香口，有油份，好似火炙吞拿鱼，油香四溢，大满足真蚝最近做紧promote，我地就冇预订放题，只系点左3只浅尝，价钱系38，口感冇法国或者爱尔兰生蚝咁饱满同咁重海水味，胜在比较清甜D，食落冇咁大负担，食多几只都冇问题，唔怪得个个点