Ohayo

营业中

休息中

同老细出嚟尖沙咀海运大厦玩具反斗城买礼物比朋友，就响门口隔离有间西餐厅，呢间其实响钻石山荷里活都食过～于是就同老细入去医下肚！佢有晚市套餐，都有几种选择，自己扫qr code落单，老细锯扒，我食石锅乌冬！套餐包餐汤同餐饮，想top up特饮就补差价，另外亦都可以跟小食～🍜德州酱烧猪肋骨石锅乌冬：呢个真系fusion菜，猪肋骨系平时西餐厅𠮶只，慢煮到淋晒再攞去酱烧，好入味～好软身～一夹就散！！乌冬用石锅上，热辣辣～上枱仲冒紧泡～汤底清清地，有啲紫菜同粟米，加啲七味粉，十分惹味！天气凉凉地～暖笠笠好满足！！🥩香煎8安士美国安格斯西冷：老细要五成，熟配薯菜～估唔到薯菜份量都好足！薯条炸得好香脆！但系感觉唔会太热气～配上牛扒酱汁，肉质唔错～弹牙有咬口！！🍖德国肠拼盘：食肉兽话要多个拼盘，三款肠各有特色，配嘅酸椰菜如果再酸啲就好喇…不过香肠质素唔错，弹牙惹味，唔会好咸！☕🍹老细饮冻奶茶，我要咗个蜜桃红茶～红茶好香蜜桃味，暖胃解腻！本来餐厅主打甜品，都有谂住食嘅～但系眼阔肚窄…食完晚餐真系食唔落…唯有留返下次啦！！😅😂