咖哩葉

营业中

休息中

因公事来到佐敦，放工顺便约埋返呢头嘅朋友食餐饭。行行下见到呢间装修几靓嘅印度餐厅，打破我对印度餐厅都好似重庆大厦咁乱糟糟嘅印象，见老板伙计都系印度人，应该会正宗。来得早，以为餐厅冇人，后来先发现有二楼。讲真，餐厅真系几靓，坐得阔落，唔洗迫。一坐低，老板就帮我地斟水，送上餐前小食。老板通伙计态度都好好，只不过𠮶啲酱我都系食唔惯上菜都算快。呢个【印度炸薯饼】外层炸得金黄，脆脆地，可以点小小茄汁。印度炸薯饼同日本𠮶啲唔同，佢入面有芝士，食落酸酸地，仲有埋青椒，系几开胃。叫左两个Naan，一个【Garlic Naan】$25，一个【Lacchadar Paratha】$26（好似叫咩千层手抓饼）蒜香浓郁，热喇喇，又绵软，几好食朋友唔食得辣，所以叫左【Masala鸡】鸡肉几入味，几大旧，唔似有啲餐厅鸡肉唔新鲜。咖喱入口有回甘，又唔会好辣，系温和的咖喱另外叫左两杯Lassi，好似芒果乳酪/milkshake，几好饮。埋单两个人$330，都算抵食。