薈亞廚房 (已結業)

都好耐无黎过新都城，咁岩呢一日系将军澳行到咁上下，就黎到荟亚厨房食左个tea set，又几抵食几饱肚，经济实惠既一种选择。🔷下午茶2人套餐 💰118🔹烧鱿鱼青木瓜沙津意想不到地原来个鱿鱼系咁大条咁原个上，口感系爽口而且已经一早切好哂，卖相都仲保持到咁高质。青木瓜方面，都系果种酸酸辣辣的酱汁配爽口青木瓜仲有D蕃茄、罗白丝咁，作为前菜真系一流地开左个胃。🔹传统喇沙汤米粉汤底香香辣辣，果种香辣卡比捻反都真系留哂口水。米粉无粹哂反而仲有少许既质感。配料都几丰富，有豆卜、虾及其他小海鲜等。🔹炸麻蓉汤圆伴朱古力墙特意要求左少酱，食落会岩岩好吾洗太甜。系几特别既一款甜品，汤圆入边既麻蓉颇为流心且够「麻」，炸过后又保留到汤圆皮原有既烟韧口感。🔹龙眼冰x2龙眼冰清凉爽甜，都几润喉，底下亦有为数不少既龙眼果肉，食落系甜甜爽爽。🔷秘制越式牛油鸡翼 💰75见到呢款鸡翼系店长推介既菜式之一，咁卡比就相信下「店长」去try try kui，又真系几出色。鸡翼外皮炸得有好香浓既牛油味，而且系脆皮香酥，食得出吾系好厚粉咁炸，同时地又保留到里边鸡肉的鲜嫩多汁。