影片
更多
2020-02-13
46 浏览
呢日喺MOKO食Lunch，食完就周围行下，好耐无行呢个商场，估唔到变咗咁多，而且我而家先发现原来个商场咁大🙈。行下行下一楼啲手作文青店，见到有间好少女风嘅靓靓小店，原来系卖养生茶包的🌿。除咗茶包外，仲有茶饮同蛋糕仔卖🧁。见头先食晏未食甜品，就试下啦，加上小店有做套餐$58，包自选杯装饮品一杯+花茶蛋糕一件。皇牌气血茶❤️(原价$38)，见个名好似好养生咁XD，而且水牌上嘅效用系写住「理气散瘀、暖宫驱寒」，就叫咗杯热嘅嚟试下。不过要小心个杯热啊，因为系用胶杯，所以一定要拎住纸皮个位。气血茶用上多种花同枣，甘甘地唔太甜饮落几舒服，感觉好似真系啱女仔饮咁💁♀️。士多啤梨茶🍓(原价$36)，呢个系朋友叫嘅，只能够点冻茶，因为系泡泡系列，所以茶上面嘅系泡泡，而唔系奶盖。士多啤梨味唔算太浓，反而加咗片青柠令佢变得清新。梦幻卷蛋🦋(原价$42)，蛋糕系蓝色，望落的确几梦幻。不过味道就无乜特别，正常一件蛋卷。白朱古力抹茶蛋糕🍵(原价$42)，造型成个冬甩咁🍩，几得意。抹茶搭配白朱古力几夹，几好味，上面仲有啲食用花添。由于我杯气血茶真系唔错，所以特登望下啲茶包。原来都几多款拣，$120/10包，定价可接
呢日喺MOKO食Lunch，食完就周围行下，好耐无行呢个商场，估唔到变咗咁多，而且我而家先发现原来个商场咁大🙈。行下行下一楼啲手作文青店，见到有间好少女风嘅靓靓小店，原来系卖养生茶包的🌿。
除咗茶包外，仲有茶饮同蛋糕仔卖🧁。见头先食晏未食甜品，就试下啦，加上小店有做套餐$58，包自选杯装饮品一杯+花茶蛋糕一件。
皇牌气血茶❤️(原价$38)，见个名好似好养生咁XD，而且水牌上嘅效用系写住「理气散瘀、暖宫驱寒」，就叫咗杯热嘅嚟试下。不过要小心个杯热啊，因为系用胶杯，所以一定要拎住纸皮个位。气血茶用上多种花同枣，甘甘地唔太甜饮落几舒服，感觉好似真系啱女仔饮咁💁♀️。
士多啤梨茶🍓(原价$36)，呢个系朋友叫嘅，只能够点冻茶，因为系泡泡系列，所以茶上面嘅系泡泡，而唔系奶盖。士多啤梨味唔算太浓，反而加咗片青柠令佢变得清新。
梦幻卷蛋🦋(原价$42)，蛋糕系蓝色，望落的确几梦幻。不过味道就无乜特别，正常一件蛋卷。
白朱古力抹茶蛋糕🍵(原价$42)，造型成个冬甩咁🍩，几得意。抹茶搭配白朱古力几夹，几好味，上面仲有啲食用花添。
由于我杯气血茶真系唔错，所以特登望下啲茶包。原来都几多款拣，$120/10包，定价可接受啦，主要系个包装几得体，送礼自用皆宜😌。
总括嚟讲，呢到嘅养生茶除咗可以嚟坐低饮一杯外，亦可以买茶包走。茶饮比蛋糕出色，不过如果坐低同朋友倾下偈嘅话，叫个套餐亦系一个好选择。再者，呢到环境确系几靓，好多花花又采用云石枱，打卡一流💖。
张贴
