完美咖啡室 (已結業)

有时去甜品店或者cafe唔系为左食野，都系想揾个地方消磨下时间，周日下午茶时间，再次黎到湾仔嘅呢间cafe，系因为未到晚饭时间想hea下。客人唔多，好开心唔洗等位。睇过餐牌后，感觉甜品价钱有略略提高左$5-10，例如上次食过嘅焦糖布丁，由$40变成$45，反而蛋糕嘅价钱差不多，个人认为仍系合理水平，毕竟而家喺边食件蛋糕都唔平架喇焦糖布丁：蛋香出众，而且质地滑溜，卖相又唔马虎。玫瑰黑加仑子蛋糕：蛋糕口感湿润，独食一件都唔会干口，其实质感都似焦糖脆脆𠮶款。玫瑰味较含蓄，天然唔假，忌廉滑溜到不得了，下面有薄薄一层蛋糕底，不甜不腻虽然话系黑加仑子夹心，但我就觉得有啲似莓味，酸酸甜甜。加上面头嘅朱古力花装饰，真系觉得好靓。食过几款蛋糕，依然觉得焦糖脆脆最啱我食，价钱又唔贵