叉燒大王

营业中

休息中

今日又来到沙田围食嘢，见到一间叉烧大王有啲小菜同埋啲小炒好似唔错，于事就同朋友入咗嚟啦。店内环境舒适，而且我同朋友都坐到卡位。餐牌上面嘅选择都几多，有各式各样同种类嘅小菜，任君选择。食叉烧大王当然要叫叉烧喇！咁我呢就叫咗一个例牌叉烧。 叉烧嘅肥瘦适中，而且入口溶化，调味唔会太浓烈，啱啱好！ 确实系好好食嘅叉烧，好推介大家叫！另外叫咗西兰花炒带子！带子非常之大粒，咬落去好弹牙而且有鲜味。西兰花炒咗一啲汁，都非常之入味。另外叫咗金沙虾胶蒸滑豆腐，豆腐真系非常之滑嫩，而且配上虾胶，更显鲜味，啲豉油送饭一流呀！整体系价钱合理，而又非常好食嘅小菜晚饭喇。应该都会再嚟食过嘅！