Tommy Yummy (翡翠中心)

营业中

休息中

任你泰串$82 你可以拣三款串烧。见到有泰国糯米猪肉肠，都好有特色。佢系阔嘅猪肉肠，然后入面有好多嘅猪肉粒。食落去有份咸香，加埋煎左嘅脆卜卜表面同带出香料香味嘅沙嗲酱，好香口。鸡肉串嘅鸡件用左鸡髀肉，食落去好嫩。沙嗲酱唔系太浓味，所以食落去鸡同酱嘅味道好balanace。牛肉串嘅牛肉粒冇烧到太干，咬落去牛嘅牛香同油香都好够。虎虾海鲜混乱杯面$128 依碟菜好有特色，上碟嘅时候有埋个杯面杯。公仔面加上冬阴公嘅酱汁炒，令人食得好过瘾。有埋啲洋葱同三色椒一齐炒，加左啲甜味，食起上黎唔会太辣。海洋方面有鱿鱼、虎虾同青口。食落去系新鲜嘅，海鲜仲有阵海水嘅鲜味。虎虾都好大只，有成只手掌咁。