冠華冰廳·阿爺燒鵝

营业中

休息中

放工返屋企唔想煮饭，喺附近买外卖返屋企食先。阿爷烧鹅饭烧鹅皮油脂感十足，鹅肉咬落松软仲好juicy。加钱转胸肉，食落啖啖肉仲正。饭底吸咗啲烧鹅油好香口，仲有椰菜消下油腻。咸蛋黄流晒油好正，食落又唔会太咸，啱啱好。黯然销魂叉烧饭有两只煎蛋，蛋白啱啱熟，脆脆地，而蛋黄仲半生熟流蛋汁，捞饭一流。叉烧系半肥瘦，咁先最正。外层㶶㶶地好香，入口每一啖都有阵油香味唔错。淋咗秘制嘅酱汁，食落更惹味。饮品分别嗌咗热柠茶同热柠蜜。