豐盛閣

营业中

休息中

虽然预咗今餐系食景，但无谂过食物质素真系远远不合格😞好快黎咗个两人下午茶餐，点讲好呢⋯最大问题系，所有食物都系冻嘅，包括scones！两个松饼似系隔夜、放入雪柜，就咁拎出黎俾客人😢咸点都系冻而无味、面包/多士系淋嘅。而甜品，就只有好甜嘅甜味，唔系好知自己食紧乜。唯一好味嘅系士多啤梨啫喱杯，酸酸地，唔会太甜。再试下其他食物，香肠大大碟，味道ok，配埋酸菜，合格之上。但薯蓉系败笔，又冻、又稀、又无味。🍔 🍟卖相不错，正常快餐店水准，薯条新鲜炸起。帮呢一餐加返唔少分。餐饮方面，唔推介冻柠茶，唔知点解，有一阵好奇怪嘅味道，总之系唔好饮。要赞嘅系侍应们服务周到，有耐性又有礼貌，仲会主动帮客人影相，令人有宾至如归嘅感觉。如果有兴趣黎食景嘅朋友，建议散叫热餐，咁成件事会开心好啲。