星薈

营业中

休息中

星荟既大闸蟹套餐，分别有一人餐、四人餐同六人餐！今次同屋企人每人叫咗个一人餐，包括咗两皇一后嘅大闸蟹，共三只！蟹公重约5两，母蟹约3两！首先就系蟹粉蒜蓉包，呢个食法都几创新！香脆蒜蓉包上面加上蟹黄，别有一番风味！鲜拆蟹粉小笼包，非常juicy，汤汁充满蟹粉鲜味之后就系花胶鸡丝羹同蟹粉虾球锅巴！弹牙嘅虾球上面加咗蟹粉，鲜味倍增！之后就开始上大闸蟹，大闸蟹系食完一只之后再叫佢上下一只，咁样就唔使惊冻晒，所以大闸蟹打开都好多膏啊食完大闸蟹之后仲会有一个蟹黄捞饭同埋上汤时蔬，最后就有姜茶汤圆驱寒，整个套餐都几多嘢食！