影片
更多
2024-05-19
64 浏览
有时食得多街头野，都想揾返啲坐得舒服啲，而且可以同朋友倾偈嘅餐厅，今日就同好朋友试咗呢一间系北京道1号嘅日本餐厅，入到去嘅时候已经俾佢海景吸引住，真系完全望住1881同埋维港。轻烧平目鱼边黑松露沙律(柚子酱) ($128): 轻烧完嘅平目鱼令到鱼油再更加突出，食上去烟烟韧韧而且好香烧过嘅味道，配上新鲜沙律菜够晒清新。中华风烧卖寿司四粒($118): 望到餐牌有呢一道都已经好想嗌，真系谂唔到可以整到啲咁新潮嘅嘢。上菜嘅时候会有个蒸笼仔，实质其实系蟹肉吞拿鱼蓉寿司。烧卖有一张绿绿地色而且食得嘅纸包住嘅，但系绝对唔会影响本身寿司嘅味，反而令到口感几特别，好似一个包咁样，但系食到去中段真系有咬到啲饭嘅时候就会变返寿司嘅味道。成件事好特别😂野菜天妇罗盛合($108): 有好多种唔同嘅菜，南瓜，秋葵，菇，茄子，番薯，粟米芯和素面。全部都系新鲜炸出嚟嘅，而且粉浆唔口，师傅嘅工价做得好好，食上去完全唔油腻，就算放咗喺度一排都完全食唔到油益嘅味道。茗荷黑松露吞拿鱼腩芝士卷($148): 自己本身都好钟意黑松露嘅，食落去嘅时候黑松露嘅味充满成个口腔，之后就系新鲜嘅吞拿鱼味。呢一种嘅芝士卷，好似近排喺日式嘅
轻烧平目鱼边黑松露沙律(柚子酱) ($128): 轻烧完嘅平目鱼令到鱼油再更加突出，食上去烟烟韧韧而且好香烧过嘅味道，配上新鲜沙律菜够晒清新。
中华风烧卖寿司四粒($118): 望到餐牌有呢一道都已经好想嗌，真系谂唔到可以整到啲咁新潮嘅嘢。上菜嘅时候会有个蒸笼仔，实质其实系蟹肉吞拿鱼蓉寿司。烧卖有一张绿绿地色而且食得嘅纸包住嘅，但系绝对唔会影响本身寿司嘅味，反而令到口感几特别，好似一个包咁样，但系食到去中段真系有咬到啲饭嘅时候就会变返寿司嘅味道。成件事好特别😂
野菜天妇罗盛合($108): 有好多种唔同嘅菜，南瓜，秋葵，菇，茄子，番薯，粟米芯和素面。全部都系新鲜炸出嚟嘅，而且粉浆唔口，师傅嘅工价做得好好，食上去完全唔油腻，就算放咗喺度一排都完全食唔到油益嘅味道。
茗荷黑松露吞拿鱼腩芝士卷($148): 自己本身都好钟意黑松露嘅，食落去嘅时候黑松露嘅味充满成个口腔，之后就系新鲜嘅吞拿鱼味。呢一种嘅芝士卷，好似近排喺日式嘅餐厅都几兴，呢一只芝士加落啲饭度又几Creamy！虽然唔似食紧传统嘅寿司，不过都可以试吓。
串烧方面就叫咗手羽同埋烟肉日本芦笋：前者外皮够干身，肉汁都可以保留到，而且佢会将两支骨拆开烧，令火可以均匀啲，调味亦都啱啱好。日本芦笋嘅芦笋好新鲜，完全冇根同渣，两样完全唔使点任何汁都够哂鲜。
总结：以呢一个地段同食品质素嚟讲绝对系物超所值，加埋夜晚嘅时候望住个海景食饭真系完全值回票价。座位坐得舒服，好适合一大班人过嚟，而且侍应服务态度都好友善！
张贴
