花楽 (北京道1號)

营业中

休息中

朋友系尖沙咀返工，佢话想食日本野，上网search到附近有呢间餐厅，就去咗食。餐厅可以望到维港海景，仲有驻场歌手现场唱歌，气氛非常好。中华风烧卖寿司好有创意嘅菜式，将烧卖同寿司crossover, 卖相好靓，食落仲好夹，绿色嘅烧卖皮都食得，有惊喜！香葱吞拿鱼腩蓉薄脆呢个小食都唔错，吞拿鱼腩好新鲜，薄脆有整热，咬落去好脆。鱿鱼一夜干鱿鱼煮得啱啱好，食落好有弹性，用嚟送酒一流。花乐彩虹卷彩虹卷摆碟好靓，用咗三种鱼生，包括三文鱼、油甘鱼、吞拿鱼，全部都好新鲜，手卷包得够实，表面有鱼子，中间有芝士，食落几有质感。日本烧牛肉石锅饭石锅饭嘅烧牛肉份量好多，加埋洋葱流心蛋汁同少量饭焦食，令人满足。花乐甜品甜品摆碟好靓，非常适合打卡，绿茶味雪糕非常香浓，红豆布丁好滑，充满奶香，树叶上唔同口味嘅和果子好有咬口，唔会太甜，蛋糕亦都唔错，伴碟嘅提子同士多啤梨清甜可口，整体色香味俱全。餐厅有靓景，又有音乐听，食物用心制作，食完令人心花怒放。