影片
更多
2018-06-03
3501 浏览
收到半价自助餐优惠券，就嚟试下佢嘅自助餐，当然嚟之前都做过少许功课，口碑好似都唔错。食物款式以午餐嚟讲算唔少，海鲜冷盘，刺身，寿司，热盘，牛扒，沙津，汤面，雪糕等.....都可以算话满足到男女老幼嘅口味。海鲜冷盘有青口，东风螺，面包蟹，龙虾，另每款都有相对嘅酱汁同柠檬可供选择。但要拣到靓嘅就要等佢refill，好多次我都系见畀人拣剩嘅。刺身同寿司嘅选择都唔少，亦都摆得几特别，试咗啲刺身，发现好唔够冻，加上师傅不停将新砌好嘅放面，置底嘅可能会放咗好耐，我唔敢再试，好彩食完都冇事。汤面嘅配料都唔少，即叫即煮，同其他酒店类似。热盘方面都唔少选择，只系就唔见有名贵嘅菜式，即砌嘅有烧鸡同牛柳，都满足到唔食冷盘嘅人嘅需要。声称系烧鸡，但似油鸡多啲......甜品方面有蛋糕，甜品杯，雪糕，但就唔系款款吸引，有款就唔吸引到我经过几次都冇乜人拎过，见个朱古力面都出哂水珠。雪糕系Movenpick，算唔错，有两款雪芭＋朱古力＋呍呢嗱共四款口味，旁边亦有唔同配料。奇怪在好似唔多人要雪糕，负责人serve𠮶个人好得闲不停整定一球一球嘅雪糕.....整体嚟讲系有啲失望，款式算少，但极少refill，好彩有半会优
食物款式以午餐嚟讲算唔少，海鲜冷盘，刺身，寿司，热盘，牛扒，沙津，汤面，雪糕等.....都可以算话满足到男女老幼嘅口味。
海鲜冷盘有青口，东风螺，面包蟹，龙虾，另每款都有相对嘅酱汁同柠檬可供选择。但要拣到靓嘅就要等佢refill，好多次我都系见畀人拣剩嘅。
刺身同寿司嘅选择都唔少，亦都摆得几特别，试咗啲刺身，发现好唔够冻，加上师傅不停将新砌好嘅放面，置底嘅可能会放咗好耐，我唔敢再试，好彩食完都冇事。
汤面嘅配料都唔少，即叫即煮，同其他酒店类似。
热盘方面都唔少选择，只系就唔见有名贵嘅菜式，即砌嘅有烧鸡同牛柳，都满足到唔食冷盘嘅人嘅需要。
声称系烧鸡，但似油鸡多啲......
甜品方面有蛋糕，甜品杯，雪糕，但就唔系款款吸引，有款就唔吸引到我经过几次都冇乜人拎过，见个朱古力面都出哂水珠。
雪糕系Movenpick，算唔错，有两款雪芭＋朱古力＋呍呢嗱共四款口味，旁边亦有唔同配料。奇怪在好似唔多人要雪糕，负责人serve𠮶个人好得闲不停整定一球一球嘅雪糕.....
整体嚟讲系有啲失望，款式算少，但极少refill，好彩有半会优惠，同埋致在佢望到个靓景，否则......
张贴
