星海．譽宴 (The ONE)

营业中

休息中

今午约咗二位朋友在尖咀饮下午茶，之前去过铜记誉宴觉得唔错，就约The One 誉宴饮，酒楼好开阳，感觉好舒服。坐落服务员攞一盘滚水比客人洗碗筷，系这个疫情下感到几安全。跟住有一碗前菜黑白木耳，用陈醋腌过，爽口弹牙几开胃。我之前系铜记食过招牌胡椒浓汤灌汤饺觉得好好味，今次推介比朋友食，她们说胡椒味好重，皮薄饀多，佢哋都觉得冇介绍错。我哋又点咗牛栢叶，珍珠鸡，叉烧肠，XO酱炒萝卜糕同埋我至爱的荔蓉蜂巢芋角，芋蓉香绵每个都包住北海道带子，又炸到好香口！这个点心唔系好多酒楼食到！食了点心后朋友觉得唔够饱，我哋又加咗牛杂同牛仔粒，牛杂用煲仔上，炆得好淋又惹味，成煲都系$68，系街边食一串得几旧都要$20，认真超值抵食！牛仔粒厨师用上介末炒安格斯同露笋，露笋爽口香甜，牛仔粒牛味浓郁有口感，但稍为有少少咸咗！结账唔驶500蚊，朋友话好抵食。临走时我哋抱住唔好蚀的心态，仲行出露台影相，风景真系好靓。