影片
更多
2021-06-04
381 浏览
Happy Friday晚上当然要约朋友食饭，松放一下😜。佢喺北角放工，于是就直接喺𠮶头揾嘢食吧。我哋都钟意食烧肉，就拣咗「济洲烧肉食堂」。餐厅人气超高👏，门口企满人，等咗阵位先入得。环境唔错，冇乜污烟漳气嘅感觉，通风算几好。餐枱亦够大，客人坐得舒服。我仲留意到呢度竟然有室外位？天气太热，不了🥵。我哋猪牛鸡每样都嗌咗啲🥩，嚟到先知份量原来咁鬼多，好彩最终不知不觉间都食晒，好饱好饱。韩式前菜好丰富🥗，有泡菜、芽菜、腌青瓜同腌萝卜，全部都可以向店员要求再添加㗎。另外，仲有沙律菜同蔬菜篮，后者用于包肉食。豪快和牛烧($298)，呢份牛肉果然够豪快，因为一碟有两块，而每块都好巨型、好长，唔剪开系放唔到上个炉度烧🔥。牛肉肉质OK，但略嫌调味稍为重手咗啲。特选黑毛和牛上贝身肉($198)，和牛油脂分布好靓，雪花纹超密❄️。上贝身肉细嫩，亦食得出牛味。和牛轻轻烧几下就食得，最好七成熟。苹果梨汁无骨鸡翼($82)，鸡翼系意想不到嘅好食🍗！去骨后嘅鸡翼，摊开成为一块，非常适合拎去烧。鸡翼微微嘅甜味，令佢变得惹味，而且鸡皮烧香后脆脆的，加上鸡肉口感嫩滑，好正。济洲猪梅肉($120)，佢其实即系一件大猪扒🐷，
Happy Friday晚上当然要约朋友食饭，松放一下😜。佢喺北角放工，于是就直接喺𠮶头揾嘢食吧。我哋都钟意食烧肉，就拣咗「济洲烧肉食堂」。
餐厅人气超高👏，门口企满人，等咗阵位先入得。环境唔错，冇乜污烟漳气嘅感觉，通风算几好。餐枱亦够大，客人坐得舒服。我仲留意到呢度竟然有室外位？天气太热，不了🥵。
我哋猪牛鸡每样都嗌咗啲🥩，嚟到先知份量原来咁鬼多，好彩最终不知不觉间都食晒，好饱好饱。韩式前菜好丰富🥗，有泡菜、芽菜、腌青瓜同腌萝卜，全部都可以向店员要求再添加㗎。另外，仲有沙律菜同蔬菜篮，后者用于包肉食。
豪快和牛烧($298)，呢份牛肉果然够豪快，因为一碟有两块，而每块都好巨型、好长，唔剪开系放唔到上个炉度烧🔥。牛肉肉质OK，但略嫌调味稍为重手咗啲。
特选黑毛和牛上贝身肉
$198
12 浏览
0 赞好
0 留言
苹果梨汁无骨鸡翼
$82
21 浏览
0 赞好
0 留言
济洲猪梅肉($120)，佢其实即系一件大猪扒🐷，厚薄适中。猪梅肉肉质唔粗糙，配合埋脂肪边位，食起上嚟有少少似食紧猪腩肉。
食堂猪皮($68)，猪皮系我朋友嘅至爱🙈，但对于我来讲就有啲吃不消。因为佢非常厚，烧完并唔会好似港式乳猪咁脆，反而似层脂肪。不过朋友坚系食得津津乐道。
牛肋骨煲($98)，呢个锅物唔错㖞🍲，好大煲，而且温度够热，食到尾都仲出紧烟。大块牛肋骨有四至五件，连同埋萝卜，全部都炆得好入味。汤底有少少辣，偏重口味，但好啱送饭呢🍚。
食韩烧又点少得炉边蛋🍳同芝士粟米🧀🌽呢？两样都好邪恶，但好味道🤤。我想讲多少少关于个烧烤炉，整体火候几平均，无偏埋一边，所以全晚烧嘅过程称得上好顺利👍。
饮品方面🍹，我哋要咗梅子青柠梳打($32)同柑橘梳打($32)。两杯梳打味道都唔太甜，而且仲几清新，但建议要搅匀先好饮啊。我饮梅子𠮶杯，饮落令我联想起咸柠🍋。
总括嚟讲，我哋今餐食得好畅快，对住个靓景食大大加分，特别开胃，食完饱到要散步行咗几圈，哈哈🤣。价钱方面，我略嫌稍贵。最后，店员服务都几好，乐意提供协助，又能清晰讲解。
张贴
