影片
更多
2021-04-08
1381 浏览
呢间位于海港城嘅Harbourside Grill开业唔系好耐，朋友同我讲佢地个lunch set好抵食，一于就去试下😋餐厅装修系简约嘅西式风格，成个维港系落地大玻璃下一览无遗，日照时间唔洗开灯采光已经足够，净系呢个view已经值回票价😍我地book枱嘅时候特登request左窗口位，咁就可以望住维港叹我地个lunch喇。餐厅嘅weekday lunch set可以拣2-4 courses. 当日我地就拣左3 courses ($248 per person), 包左前菜，main course同甜品，已经非常够饱。油封鸡肉冻配红洋葱酱及酸种面包第一道前菜。呢款经过油封处理嘅鸡肉冻食落口感非常独特，硬要形容嘅话就好似食紧罐头吞拿鱼咁，将佢同焦糖化左嘅红洋葱酱一齐抹系烘到脆卟卟嘅酸种面包上面食，味道都几有新鲜感😋酱油汁黄鳍吞拿鱼片配萝卜及柚子花生沙律第二款前菜。几片鲜红嘅吞拿鱼生片铺左系萝白及青椒丝上面，红绿色型成鲜明嘅对比，系品尝前率先抓住品尝者嘅视觉。在味觉上同样刺激，经过腌制嘅吞拿鱼其实已经食唔出本身嘅鲜味，反而有种酸酸嘅味道，配合埋下方嘅萝卜青椒丝沙律一齐食，味道酸酸辣辣咁，的确
餐厅装修系简约嘅西式风格，成个维港系落地大玻璃下一览无遗，日照时间唔洗开灯采光已经足够，净系呢个view已经值回票价😍我地book枱嘅时候特登request左窗口位，咁就可以望住维港叹我地个lunch喇。
餐厅嘅weekday lunch set可以拣2-4 courses. 当日我地就拣左3 courses ($248 per person), 包左前菜，main course同甜品，已经非常够饱。
油封鸡肉冻配红洋葱酱及酸种面包
第一道前菜。呢款经过油封处理嘅鸡肉冻食落口感非常独特，硬要形容嘅话就好似食紧罐头吞拿鱼咁，将佢同焦糖化左嘅红洋葱酱一齐抹系烘到脆卟卟嘅酸种面包上面食，味道都几有新鲜感😋
酱油汁黄鳍吞拿鱼片配萝卜及柚子花生沙律
第二款前菜。几片鲜红嘅吞拿鱼生片铺左系萝白及青椒丝上面，红绿色型成鲜明嘅对比，系品尝前率先抓住品尝者嘅视觉。在味觉上同样刺激，经过腌制嘅吞拿鱼其实已经食唔出本身嘅鲜味，反而有种酸酸嘅味道，配合埋下方嘅萝卜青椒丝沙律一齐食，味道酸酸辣辣咁，的确开胃。
烤猪腩肉配红萝白,菊苣及芥末酱
第一道主菜。猪腩肉外层烤至金黄色，望住层层相隔嘅肥膏同瘦肉已经可以想像到佢细滑嘅口感， 切一块放入口，口感果然不出我所料地细腻嫩滑😋首先占据口腔嘅系腩肉外层嘅焦香，随后肥肉嘅油香亦系舌尖上起舞。第二啖我沾上左芥末酱食，厨师将芥末酱打至起泡，食落比一般芥末酱更为creamy, 令猪腩肉嘅味道就更为突出。菊苣望落有少少似白菜仔，食落味道甘苦，同苦瓜有异曲同工之妙；微苦嘅味道中和左猪腩肉嘅油腻感，成道菜配搭得非常好🤤
美国顶级西冷牛扒300g, 配干葱蓉及香辣牛油（＋$158）
牛扒系呢度嘅signature 之一，当然要叫黎试下😋我地熟度拣左medium, 牛扒刚上枱，扑鼻而来嘅香气已经令人流晒口水，已经食到5分饱嘅我又即时胃口大开😍煎牛扒看似简单，但要将生熟度控制得恰到好处其实非常考验厨师嘅功力。呢块牛扒嘅生熟度就控制得岩岩好——外层微焦，切开肉质嫩红，正正系我想要嘅medium🤤平时食西冷我好怕牛肉会太靭，但呢块西冷完全唔会，食落非常juicy牛味十足，非常高质👍
甜品我地就拣左朱古力慕丝蛋糕同柠檬奶酪，味道唔系话超级突出所以就唔多形容，但整体黎讲都相当唔错❤️值得一提嘅系我地当日系去庆祝生日嘅，餐厅好贴心咁为我地准备左一细块蛋糕仔，呢份心意相当加分，成餐饭绝对系好好嘅用餐体验😋
张贴
