龍鼓灘海邊BBQ

营业中

休息中

同个朋友由荃湾入屯门龙鼓湾，59M 转K52 巴士，1个钟3个字唔洗就到。场内地方好大，可以选海景位，普通位，冷气位 (较贵，有麻雀玩）。今日风有d大就同朋友选左室内普通位。员工有礼主动，帮手开炉，指路，带玩等等。野食超级多选择and refill ，最爱黑椒鸡翼，芝心丸，蟹子丸，蜜汁叉烧。适逢今日星期日餐厅更送咗糖水南瓜露，手快有手慢冇。入场包每人包一支嘢饮及餐具，另外烧烤叉,烧烤网等自费。场内买饮品雪糕甜品等价钱非常公道。 餐厅海边睇日落黄昏非常优美，有时间可往海边右边上石级，约走10分钟到观景台睇风景。另外餐厅有乒乓枱，足球机，滑梯，家庭单车，扭蛋机等等玩乐设施，适合一家大细，亦令我同朋友有开心既一日。