龍鼓灘海邊BBQ

营业中

休息中

第一次幫襯 訂左海邊爐望住個海 真係好舒服員工好nice bbq場好細心 提我哋帶水樽裝水又無限時間 又可以自己帶野食入去仲有生日歌 又有糖水派不過揸車就真係要早少少 我哋走既時候 車場己有爆滿呢間真心好得

早排開始轉涼就約左fd去bbq，一齊圍爐取暖😎。由市中心搭K52去到總站大約30~40min，搭的士其實快好多😳。落車過對面行幾十米就係，唔難搵✨因為呢日比較凍所以無坐海景位🥶。普通位每人$200，另加爐費$70，同燒烤網$40，送每人一罐飲品加紙巾等工具，紙巾都唔劣架😂。環境都唔錯，比一般燒烤場乾淨～食物方便就普通，選擇都算多，但啲人拎到有啲核突😂，望落觀感比較差…同埋refill比較慢，丸、燒賣呢啲經常俾人清晒💬整體環境幾好，BBQ場黎講算乾淨又大，但位置唔算方便，食物一般。但主要BBQ都係約下朋友gathering，如果朋友都係屯門牛既話可以一試🤣

食物種類繁多，有丸子、雞翼、麵包、番薯粟米等等，味道肯定唔會好特別啊 好正啊，正常味道啦😌😌$250人頭計嘅，包飲品一個🤔想再飲要加錢。。好在呢度氣氛都幾好，，裏面仲有「龍鼓灘站」嘅打卡牆。

龍鼓灘BBQ場真係去過好多次～價錢唔貴又舒服之選👍🏻燒到攰又可以走出海邊行下😂😂場內設施都多，有小朋友既家庭都適合岩玩，有免費公園、氣墊床（要收$）另外有其他細d既免費設施玩，小朋友唔會無聊先-人多既話基本上都會包冷氣車，起碼唔洗全程熱住👍🏻食物方面，覺得辣雞翼係唔錯的🥰其他就正正常常～另外建議大家可以試下燒迷你麵包，跟住夾牛油同漢堡扒，一流啊超正🤣🤣-最中意佢個日式打卡位，影相一流～有feel（但建議可加強清潔，成日見有人掉紙巾上去🥲）

感覺好差，衛生環境惡劣。我哋坐出邊，勁多蒼蠅飛去食物嗰度，飛來飛去，極不衛生，諗起都覺得好核突。我哋同店員要求轉枱，佢話開咗爐就唔可以轉，明明有枱都唔轉，搞到我哋成日都同好多蒼蠅一齊，好污糟。講緊可以係有十幾20隻蒼蠅喺食物枱上。另外，加咗價，入場費加價，飲品卷得一張。食物都比以前難食咗好多，勁咸，勁多味精，要買好多嘢飲。而且啲肉類已經醃到係林晒，唔覺得自己食緊肉。佢聲稱嘅過濾水飲落似生水好差，唔會再黎，絕無下次。

疫情引發的腦霧症候群下，令人遺忘屯門有個龍鼓灘，一個價錢可以由朝燒到晚，睇住海景日落好Chill，正呀！ *** 到訪日是公眾假期，中午來到Walk-in有位，只是晚一點就......還是早早訂位吧！當天氣溫20度不太熱，天氣超好選坐海邊，由早到晚看日落賞月色，慢慢食慢慢嘆很Chill ！說起龍鼓灘，自從多年前成為半個屯門友後，經常都會來龍鼓灘一帶的燒烤場。全盛時期這兒有十多個燒烤場，每家都各出奇謀，以特色食物招徠，競爭十分激烈。經過多年以後，多番變遷加上汰弱留強下，只餘規模最大的龍鼓灘海邊BBQ。每次來到龍鼓灘海邊BBQ，都有不同的新鮮感，加上燒烤食物質素不錯，霖迪不時會跟親友，或小倆口子來海邊BBQ。除了基本收費$180(成人價)外，包一飲品，這一價錢已包全日任食，如像今天是特別日子，會有數十左右的額外收費。另收開爐費$60，是故人多比較化算。而場內自費項目，例如加購的燒烤食品(和牛一類)、飲品、零食、玩具選擇都不少，而且屬正常價，收費並不過份。食物方面，有最大路的豬扒、牛扒、雞扒、雞翼、金沙骨、蜜汁叉燒、魚柳、魷魚，有原味、蒜蓉、黑椒、香辣四種。由於客人眾多，燒烤食物流轉得快，感

搭左一個鐘入到嚟龍鼓灘滿心歡喜充滿期待嚟BBQ 一行廿幾個人來到大電視機職員表示話開會先可以開(有邊個會搭一個鐘車入屯門BBQ 場開會)然後燒烤叉得6隻，攞嘢食嘅碟得2隻去到拎嘢食個位阿姐話啲人齊啦咩？當時我話到咗20個，阿姐先拋個碟過來🙄真係大伏！！！！！！！！！！！！！！！！絕對不建議！！！！！！！！！！！！！！！！！！！！！！！！！！！！！！真係大伏！！！！！！！！！！！！！！！！絕對不建議！！！！！！！！！！！！！！！！！！！！！！！！！！！！！！

同事又帶左我地去左一個好地方不過呢個地方無自己車入去都幾吾方便交通真係好遠甘遠都有好多人會入黎估計原因係吾洗自己準備食物什麼都應有盡有仲要有哥哥幫我地開嘛爐吾洗自己甘辛苦當日天氣去到夜晚落好大雨幸好同事book 到最後一架車仔另我地吾洗淋雨👍🏻👍🏻食物種類有好多選擇真係可以燒足全日佢地醃製的食物基本都吾洗再額外再加調味醬免費任食燒烤食物蒜蓉雞翼 麻辣雞翼 黑椒雞翼 蝦醬雞翼 香草雞全翼 香草雞扒 香辣雞腎 麻辣雞腎原味牛扒 黑椒牛扒蒜蓉豬扒 香茅豬頸肉 薑汁芝麻五花肉 蜜汁叉燒  金沙骨多春魚 魚柳 咖喱魷魚蟹子丸 花枝丸 貢丸 牛丸 魚蛋 芝心丸 墨汁墨魚丸 龍蝦丸 蔥花魷魚丸漢堡扒 燒賣 腸仔 芝士腸 紅腸 迷你司華力腸 迷你雞豬肉腸 意大利香草腸粟米 豆卜 蕃薯 三色椒 翠玉瓜 茄子 尖椒 秀珍菇 鮮冬菇 雞睥菇 秋葵吐司 烏冬 免費調味料燒烤蜜糖 豉油 茄汁 沙茶醬 辣椒油 蒜蓉 日式燒汁 泰式雞醬免費糖水星期六/日及公眾假期免費限量供應糖水，送完即止免費餐具免費限量供應 : 燒烤叉 叉 碟 紙巾 蜜糖兜 蜜糖掃 膠手套 食物盤自費燒烤食物棉花糖 菠蘿 金菇 薯片自費調味料辣椒

咁大個人住係香港，第一次進入香港最北的地方— 龍鼓灘龍鼓灘位於香港新界屯門的西面 ，好在朋友有車車我地去，否則由屯門坐巴士入黎要45分鐘。Bbq場隔離有停車場，夜泊$60, 但我地星期日去突然收$100/晚。BBq場任食包一個飲品，但支裝飲品要付費，任食的食物款式不算多，都是牛扒、雞扒、豬肉、不同款式的雞翼、芝士、牛丸、豬肉丸、腸仔、、芝士腸、菇、茄子、麵包等等，地方很大，bbq場在海邊，下午到場看住海景也不錯。

几个朋友同時生日， book咗派對房慶祝，星期六日VIP房人頭收費$260/位， 人數夠20人就可以book一間好大嘅vip冷氣房(最多50人)。 另外場內仲有啲打卡位好靚，其中日式櫻花樹夜晚黑都好浪漫好多年冇入龍鼓灘， 呢度可以任食燒烤之餘又可以麻雀耍樂， 小朋友又可以係遊樂場追追逐逐玩， 晏晝12點玩到夜晚11點，玩足全日食足3餐。 重點係雖然已經秋天但仲係好鬼熱， 有間冷氣房嘆吓冷氣零捨唔同，簡直玩到唔願走。食物方面覺得正常一般, 品種唔算特別多但都叫合格 。即使book唔到派對房，坐公眾枱燒烤的話距離都唔會太貼，唔使背脊貼背脊😆。衛生情況:所有食物都有玻璃門冚住， 畀客人 取食物盤子亦有膠蓋冚， 覺得維生做得唔錯。

同個朋友由荃灣入屯門龍鼓灣，59M 轉K52 巴士，1個鐘3個字唔洗就到。場內地方好大，可以選海景位，普通位，冷氣位 (較貴，有麻雀玩）。今日風有d大就同朋友選左室內普通位。員工有禮主動，幫手開爐，指路，帶玩等等。野食超級多選擇and refill ，最愛黑椒雞翼，芝心丸，蟹子丸，蜜汁叉燒。適逢今日星期日餐廳更送咗糖水南瓜露，手快有手慢冇。入場包每人包一支嘢飲及餐具，另外燒烤叉,燒烤網等自費。場內買飲品雪糕甜品等價錢非常公道。 餐廳海邊睇日落黃昏非常優美，有時間可往海邊右邊上石級，約走10分鐘到觀景台睇風景。另外餐廳有乒乓枱，足球機，滑梯，家庭單車，扭蛋機等等玩樂設施，適合一家大細，亦令我同朋友有開心既一日。

呢度嘅員工服務好好，食物選擇有好多，多種蔬菜選擇，而且肉類都覺得OK好食（相比起其他燒嘢食）。入嚟呢度可以百幾蚊玩一日，物超所值。而且海邊喺沙灘，雖然游唔到水，但可以睇日落，超級浪漫。生日仲有禮物送，而且有好多小遊戲適合小朋友玩，係一家大細燒嘢食嘅好地方。我已經嚟過兩次，會再去第三次。下次會試吓部VIP房，因為可以打麻雀，而且又有冷氣，係一個獨立嘅空間。仲有電視睇添。呢度亦都有停車場可以泊一日車，而且免費

由whatsapp訂座開始，員工態度非常好，很有耐性解答問題，到現場一樣很好，我們十人有大有細租了一間Vip冷氣房，地方很整潔乾淨，冷氣好夠凍，洗手間都ok乾淨，有很多不同設施比小朋友玩，行出海灘好近，玩到成腳沙好在有地方冲腳，好方便。每人200蚊任食玩足一日真係好抵，唔要求太高基本食物都夠食，另外可以自己帶食物去燒。有免費停車場好方便，好好玩會再去。

想唔想試下忙碌的燒烤？呢到幫到你。 時間早收.地理位置不好很遠。如果收工入去就不建議了。9點最後拿食物 10點清場想唔想體驗肚屙的快感？呢到都幫到你！Why?因為雞翼同唔知咩汁係’叔’既 食物質素極差。D扒又唔入味 淡到呀諗住生日去食下啦點知伏到想問候他媽媽。總括 地理位置 差 食物質素 極差。 環境美麗 場地乾淨 但不會有下一次。

Book位時講明要海邊，但到時只提供路邊，明明仲有位 吹唔到海風 吹晒啲煙過黎，唔洗去，不推薦，超差服務，有位都唔俾坐，要尊登搭車去，不值得，比普通燒烤場更差。。。