湯煲私房火鍋

营业中

休息中

今日同女友过左海，突然又想打边炉于是揾左呢间私房火锅店，其中系睇中佢有靓汤底，所以决定一试。一开始讲一讲呢个汤，好大煲，同时味道十足，一开始先饮呢个猪骨汤，加上少少姬松茸既菇味，成碗饮完都唔会口干，最后添多左碗一边打边炉一路饮👍🏻另一边有系整酱料既时间，店员推荐呢个自家虾酱，有少少似xo酱但又冇咁浓味好似鲜味突出啲，同时用佢黎点即炸响铃都不错，尽管响铃本身有个甜酸酱，但我都系钟意用呢个酱多啲。即炸响铃好酥脆，无论就咁食同加汤都好味，唔会太油腻系值得一赞。今日叫左安格斯肥牛，其实本身都想要本地手切牛，可惜冇货，但呢个安格斯食落都好软滑，有油香，牛味唔会太淡都系一个好质素既食材。味噌大根黑豚饺，饺皮好烟靭同时猪肉都好香，不过要小心佢煮太耐会好入味，后期会有啲咸。什菌拼盘种类同数量都算多，我地未落晒都铺满左成个煲面。菠菜面经已事前煮过，系煲到再加热就食得，质地似平时既幼面但又冇咁靭，我本人几钟意。总结成餐饭过程都有店员从旁协助，汤底上枱后会有店员控制火候时间等再帮你添汤靓汤。中间不时帮忙换骨碟等都体现出佢地细心同热心。以后过海都可以黎打个边炉倾下计。