炯記餐室 (沙咀道) (裝修中)

今日帮衬左位于荃湾嘅炯记餐室嘅外卖，餐厅位于荃新天地隔离，位置都算几方便。佢哋主打嘅都系一啲嘅烧味例如烧鹅，叉烧，烧腩等等。盐焗手撕鸡饭手撕鸡嘅份量都好足料啊，鸡丝带有咸香，加上上面落咗少少芝麻，令到成份鸡都有芝麻香味。酱皇叉烧份量够晒多，叉烧肥瘦得宜，入口非常之柔软，调味又调得岩岩好，唔会偏甜或者偏咸，好味。脆皮烧腩仔饭烧腩仔唔会太多脂肪，入口唔会太过老，烧腩仔皮仲系脆卜卜嘅。冬菇扒生菜冬菇煮得好入味，生菜好鲜嫩，好味。整体来讲，餐厅嘅烧味质素都唔错，价钱又亲民，所以都见到有唔少捧场客。