名捌月 (已結業)

今日去咗荃湾做嘢，所以就约咗住喺荃湾嘅朋友一齐食晚饭。朋友知我钟意食牛，就带咗我嚟呢间名捌月锯扒。 先讲环境，位置不多，但干净企理有格调。我地每人都加咗钱配埋餐汤同饮品。餐汤我就叫咗牛油果蚬汤，虽然比较creamy，但因为有牛油果，反而唔觉腻，而系有种清新嘅感觉。而朋友叫嘅蟹肉野菌汤。至于牛扒，我就嗌咗七成熟嘅8oz日本霜降西冷牛扒。 8oz对我来讲，size啱啱好，煎得都恰到好处，一啲都唔韧，食落亦唔觉有雪味，处理得唔错。虽然有黑椒汁可以点，但系我个人就无点汁食就已非常满意。而朋友嗌咗五成熟嘅14oz澳洲M6和牛西冷牛扒，够晒大块。佢话整体唔错有肉味。我地都嗌咗份芝士牛油汁焗西兰花🥦。饮品方面，我叫咗杯水果蜜茶。整体来讲，买单$900都唔使，牛扒质素唔可以话数一数二，但系起码做到冇雪味同煎得恰恰好。