Sawadee Chef

营业中

休息中

Sawadee Chef系奥海城入面一间靓装泰菜店，之前经过见倒已经觉得环境好靓好吸引，周末就特登黎试下。店面非常大，以木色做主调，加上阳光从一整排落地玻璃照入黎，非常明亮写意。图案碟子令成个用餐体验都更加赏心悦目。因为系weekend，所以中午都只有散叫，佢地嘅menu都好多款拣，小食、烧烤、海鲜、蔬菜、饭面同甜品都有。泰式船面($138) - 船面present得几靓，汤头够晒浓郁惹味，金边粉食落少少弹口唔会痴埋一旧，入面仲有猪肉丸、猪膶、猪肉饼同炸鱼皮。招牌海南鸡饭($188) - 海南鸡饭份量对版，鸡件已经去左骨，食得方便，肉质几滑，蘸埋姜蓉、酸辣汁同黑豉油食更为滋味，鸡汤都好浓鸡香味，只系略嫌黄姜饭淋左少少。芒果糯米饭($108) - 糯米饭整到好似寿司咁，细细旧，上面放左芒果同椰浆，卖相几精致。糯米饭口感软糯，芒果亦唔会太酸，如果多啲椰浆仲正！总结，食物唔错，卖相都好精致，不过定价就略为进取，建议可以喺openrice买佢嘅coupon，会有九折抵啲。