Lemongrass (已結業)

喺奥海城行完街， 就openrice一下附近有咩食，见到呢间泰国餐厅，个样又几靓㖞， 拎住一袋二袋，一于就近近哋食呢间啦。 呢间泰国餐厅行新潮路线， 一眼望过去成间餐厅啲装修都好色彩缤纷，个吧枱上块黑板用彩色粉笔画左啲图，感觉好有活力。个menu啲菜式都几多， 嘢饮选择更系好多花样，普通泰国奶茶、椰青、 红豆冰不在话下， 仲有好特别嘅野饮，例如蓝蝶豆花特饮。 蓝蝶豆花特饮一开始系蓝蓝哋色，serve𠮶阵时会畀一杯青柠汁你,加入去搅一搅就会变成紫色嘅，好靓又好玩。不过味道方面，其实就有啲似利宾纳加雪碧，真系唔知蓝蝶花豆本来嘅味道系咩。 朋友嗌咗个椰林飘香，个样都几椰林feel,试咗一啖，哎呀，伏已中,完全系罐头菠萝嘅味道, 所以几时都话样系信唔过嘅, 真系要嗒过先知。 野食方面呢，我会推介沙爹鸡肉串烧，鸡肉正常够嫩，加埋个沙嗲酱，几香口。 海鲜喇沙几够料， 有唔少海鲜，米线份量又多， 而且啲米线几高质，就算我地浸咗一阵先食都唔会变到好冧。但系呢间餐厅啲檬粉就好唔掂喇，太过干身，应该系一早烚好摆埋一二角，一到个菜式要用就攞出嚟整。 所以个猪颈肉捞檬粉同个软壳蟹米纸卷，都比啲檬粉糟蹋晒，早知