Mue Mue

营业中

休息中

前排去完欧洲，食西餐食到好漏，所以出街都想食返啲亚洲嘢。星期六日钟意同家人去食brunch，不过市面上好多选择都系西餐，又唔想成日都去食酒楼嘅点心，俾我发现咗原来美丽华有呢间靓靓泰国菜。我都成日去九龙城嘅泰菜馆，不过有时都会觉得地方坐得唔够舒服，星期六日同家人想relax啲，呢间泰菜brunch又真系好适合。唔好谂住同九龙城𠮶种粗豪相比，呢度系食精致口味。最钟意佢个前菜，无论系酸辣鱼皮定系红砖豆腐，做得好细致，每一样都好开胃。小食我就最钟意脆鱼王，同埋生虾唔系泰式𠮶啲㖞，日式生虾咁大只㖞！因为啲小食真系任叫嘅，所以主菜预咗会份量细啲，个香茅烤鱼细细件，我觉得好清新调味配合得好好。如果想食得浓味香口啲，金沙虾球就会大份啲，而且咸香惹味。同埋最后个椰子雪糕真系超级好食，topping系椰子干同椰丝回味无穷。另外叫咗一杯watermelon mocktail用真西瓜鲜榨，配煎炸嘢一流。Brunch 讲紧个价钱系$328一位，小食竟然可以all you can it，钟意Free-flow都系加多$150啫，性价比好高。仲有呢留意到佢有两间细细嘅VIP房，都系市面上嘅泰菜馆比较少见嘅。