凱悅海南雞專門店 (已改名) 查看

又系中午放饭周围食，见网友讲呢间凯悦海南鸡咁多好评，一于黎试下，同行几位同事都话有兴趣，咁就大家一齐试一齐评啦。小店铺面唔大，数埋好似都无10张枱， 但地方整齐企理，都坐得舒服既，睇过餐牌之后我地都1律拣无骨鸡同无骨盐水加积鸭就$55，话晒招牌菜嘛，我本人就想试晒2样拣双拼，$64贵少少。落单后都会送上1碗紫菜汤，饮品就另加$5，紫菜汤好重胡椒味，听闻系加左鸡壳一齐煲，但唔系好饮得出。话咁快饭到啦，饭底可拣白饭或黄姜饭，我地都系拣黄姜饭，先讲下鸡，鸡真系好嫩滑，有鸡味，由于拣无骨鸡所以俾既部位都会比较有肉d，而有样几好既就系师父帮你起晒d皮下肥膏，食落减少左罪恶感，但变相连d啫喱都会起埋，呢方面好坏参半，盐水鸭既部份我地觉得味道偏淡少少，但肉质几好既几爽口，黄姜饭d黄姜味唔会好重，几香，饭质都唔错算系粒粒分明。