臺北棧 (世貿中心)

营业中

休息中

好耐冇食台式蛋饼、盐酥鸡𠮶啲嘢，好挂住台湾嘅味道！今晚就嚟咗铜锣湾呢间Check-in Taipei，装修好靓，非常适合打卡📸 仲有窗口位望住靓靓海景👍食物选择唔算太多，我哋点咗盐酥鸡、蛋饼、牛肉面同埋麻糬，食吓食吓都几饱。我哋饮咗杯红豆牛乳，劲好味呀，红豆味香浓，配牛奶真系冇得顶！如果多少少红豆粒粒，口感再丰富啲仲正😋盐酥鸡好大件，配三款唔同酱汁，辣辣哋嘅水牛城鸡翼味道几惹味；我自己就钟意松露酱多啲；柚子酱最清新，减低肥腻感😂蛋饼有好几款选择，我拣咗最Classic嘅味道： 皮蛋配肉松！一盒份量都好多，配埋酱汁都唔错。牛肉面最特别嘅地方系会有啲油脂，侍应话即刻喺汤度溶咗旧油脂，汤底会更加香更加好味。确实系咁样！牛肉面嘅汤底好正，我哋冇拣面底，拣咗台式粗粉丝，口感烟靭几好味👍最后出场嘅甜品真系必食推介！！！麻糬香甜软腍，配上海量嘅花生碎碎真系好正，而且花生碎碎唔会太甜，食吓食吓真系会清晒😂呢度环境真系好适合打卡同埋约闺蜜食饭，下次再嚟！