黑木亭居酒屋 (清風街) (已結業)

离开铜锣湾过少少，就系相对宁静又小人啲嘅天后，揾到一间细细间嘅居酒屋，见价钱都唔太贵，就即管试一试佢。☀️☀️炎炎夏日，点都要饮番杯冻饮解暑，打完风嘅一日热到好似40度咁，呢度有几杯可爱嘅特饮，上面有一只熊仔冰，超级可爱，我个杯冻绿茶牛奶，上面嘅熊仔冰就系由牛奶雪制而成，不过上枱冇耐就沉咗落水底🤣🤣🤣除咗寿司主食同沙律前菜，我哋叫咗今餐嘅必选推介，就系「石烧厚切和牛」，味道相当之好食！和软熟、几乎入口即溶，而且客人可以自己喺石烧上面稍为烹调，自行决定点餐厅提供嘅三款酱料，分别系芥末、酱油、葱油、以及炸蒜片。我自己就最喜欢葱油配搭和牛，切碎咗嘅葱粒咬落去同和牛相辅相成，口感一流！依间餐厅无论环境、侍应嘅态度、同埋嘢食嘅质素，都好值得再次光顾，最值得推介嘅系打卡熊仔饮品，女士们一定好钟意！