南華軒

营业中

休息中

今晚朋友介绍食「好中」菜，位置唔算就脚，但野食好食，咩都抵返晒😋而且难得中菜都可以静静地咁食～怀旧虾多士呢个多士炸得好松脆，而虾胶新鲜弹牙，比例系虾胶2 : 多士1 ，大大啖虾胶👍🏻中式牛柳啖啖肉既牛柳，肉质有牛肉味，味道适中，空口食都无问题。重点唔系用松肉粉腌都无晒味既牛柳。黄金吊炸鸡呢个系强烈推介，呢个炸子鸡外皮香脆，皮肉中间有少少鸡油，鸡肉就嫩滑。有油香又啖啖肉，重有外脆口感👍🏻腊味蒸饭天气凉所以叫左呢个腊味蒸饭，唔似外面食既煲仔饭咁有饭焦，但呢个饭吸收晒腊味既香味，油分又渗透系饭度，而蒸饭食返粒粒白米饭。拍蒜唐生菜呢个唐生菜师傅整得劲爽脆，咬落去都有口感，而且重蒜香，但味道较重，所以送饭一流。