天之源素食 (已結業)

响香港地揾食，又要快，又懒得谂食咩，「茶餐厅」永远系最好嘅选择，因为够大路，咩早餐、午餐、特餐、常餐、下午茶餐，样样都帮你set好晒，唔洗谂，仲鬼咁快就有得食。话虽如此，当星期六、日，唔洗赶返工返学嘅时候，我都会花点时间，揾自己真正喜欢食嘅嘢嚟食，讲求番d生活质素吖麻。一向无菜不欢的我，食素当然是我的首选，可惜香港区都唔系有咁多素食嘅地方可以选择，「天之源」系我比较喜欢的一间，胜在位置唔太就脚，所以人流唔多，无需等位，亦唔会有响「茶餐厅」食嘢嘅压迫感，坐得好舒服。而且人情未十足，店员态度甄勤，很有Heart，价钱又合理，食物质素都不错。特别是星期一至五供应的晚饭2人套餐，约$130左右，有自选两𩠌，一个汤／羹，两个白饭。自选两𩠌方面，都有十几廿种你选择，特别推介「咕噜肉」，同「笼仔排骨」，口感好似肉类，但其实系素豆腐制品，造型似模似样，色香味美。另外，我亦选择了竹苼XX羹，好野味，好多料，两个人各吃了3大碗，仲有专人帮你Refill添，非常体贴。白饭方面都好大碗架，总之成个2人套餐嚟讲，如果全女班去食，肯定可以食饱3个人，食完仲有优惠券送添。