樓下冰室 (已結業)

今晚放工想简简单单食餐饭放松下，于是约咗朋友去荃湾试下楼下冰室，呢间系另一间分店，位于熊猫酒店附近，装修好特别，有少少怀旧既感觉。餐牌除咗有一般既茶餐厅食物之外，仲有啲特别嘅小食，我同朋友都好有兴趣试下啲小食，所以就叫咗炸海鲜芝士豆腐, 焗芝士西兰花, 焗芝士肉酱薯角, 麻辣脆鸡粒, 蕃茄通配瑞士鸡脾, 咸柠七同埋华田脆脆。炸海鲜芝士豆腐 (6粒) - 喺出面比较少食到，有淡淡既芝士味，里面似鱼蛋加豆腐，口感滑滑的，唔会好漏，一口接一口，我同朋友好快就KO咗成碟。焗芝士西兰花 - 表面铺满芝士，粟米同忌廉汁，芝士味好香浓，每件西兰花都可沾满酱汁，好好食。焗芝士肉酱薯角 -一样好足料，表面铺满芝士肉酱，肉酱味酸酸甜甜，薯角焗得香脆，连埋一齐食味道好夹，一流。麻辣脆鸡粒 -脆鸡粒就食得多，但麻辣味就比较少见，所以就叫咗黎试下，果然冇令我哋失望，鸡粒炸得好脆，唔会太厚粉，带少少麻辣味，好过瘾，必试。蕃茄通配瑞士鸡脾 -呢到既招牌菜，味道果然好出色，蕃茄香浓，酸甜开胃，配上滑蛋通粉，虽然材料简单，但味道绝不简单，一个字正。瑞士鸡脾，好入味，唔会过甜过咸，味道啱啱好，仲啖啖肉，食完好满足。咸柠七