影片
更多
2023-03-28
329 浏览
今日去咗鲗鱼涌东汇坊嘅醒辰冰@saisons.hk食晚餐。一入去就系觉得好企理，好干净，好光猛。餐厅定位介乎茶餐厅与西餐厅之间。晚餐嘅选择都系类似西餐厅，有扒餐，同埋意粉餐之类，仲有二人套餐。并唔系食公仔面𠮶种茶餐厅。我哋叫咗两个晚餐：1）香草蒜片烤西班牙极黑猪鞍 伴 薯菜 $1382）烤纽西兰香草牛柳 伴 薯菜 $128～upgrade 三文鱼沙律 +$15～upgrade 龙虾汤 +$15～加配甜品朱古力心太软 +$15～加配甜品意大利芝士饼 +$15～冻柠啡 +$3～红豆冰 +$10两个主菜都好满意，绝对超越一般茶餐厅嘅水准，就晚餐来说，价钱几抵食，因为佢嘅牛扒同埋猪鞍扒都系有质素，唔系梳打粉拿到冇晒味𠮶啲。尤其是个猪鞍扒，我真系几欣赏，伴碟嘅薯仔都好好食。如果惊唔够饱都可以改配意粉或者饭。头盘我拣咗三文鱼沙律，摆盘好靓，啲沙律菜好新鲜，酱汁亦都啱啱好。龙虾汤虽然冇龙虾肉，不过个汤系好饮嘅，有时有啲龙虾汤太咸，佢就冇呢个问题。后尾仲加多两个小食。除咗红豆冰红豆唔够多之外，成餐饭都好满意，我最满意就系每一样嘢都好干净，餐具似高级餐厅一样咁干净企理。尤其是个枱面，有时最怕就系茶餐厅啲
一入去就系觉得好企理，好干净，好光猛。餐厅定位介乎茶餐厅与西餐厅之间。
晚餐嘅选择都系类似西餐厅，有扒餐，同埋意粉餐之类，仲有二人套餐。并唔系食公仔面𠮶种茶餐厅。
我哋叫咗两个晚餐：
1）香草蒜片烤西班牙极黑猪鞍 伴 薯菜 $138
2）烤纽西兰香草牛柳 伴 薯菜 $128
～upgrade 三文鱼沙律 +$15
～upgrade 龙虾汤 +$15
～加配甜品朱古力心太软 +$15
～加配甜品意大利芝士饼 +$15
～冻柠啡 +$3
～红豆冰 +$10
两个主菜都好满意，绝对超越一般茶餐厅嘅水准，就晚餐来说，价钱几抵食，因为佢嘅牛扒同埋猪鞍扒都系有质素，唔系梳打粉拿到冇晒味𠮶啲。尤其是个猪鞍扒，我真系几欣赏，伴碟嘅薯仔都好好食。如果惊唔够饱都可以改配意粉或者饭。
头盘我拣咗三文鱼沙律，摆盘好靓，啲沙律菜好新鲜，酱汁亦都啱啱好。
龙虾汤虽然冇龙虾肉，不过个汤系好饮嘅，有时有啲龙虾汤太咸，佢就冇呢个问题。
后尾仲加多两个小食。
除咗红豆冰红豆唔够多之外，成餐饭都好满意，我最满意就系每一样嘢都好干净，餐具似高级餐厅一样咁干净企理。尤其是个枱面，有时最怕就系茶餐厅啲枱面，根本唔够胆放个电话上去。不过呢间就唔同。
店员仲好细心，唔使问佢都会主动俾一杯滚水你洗餐具，另外再俾两杯水你饮，只杯系唔同嘅，唔会捞乱。
希望佢一直保持水准，咁我应该会继续帮衬。
～～～～～～～～～～～～～～～～～～
餐厅名：醒辰冰室
餐厅地址：鲗鱼涌英皇道1010-1056号东汇坊地库006及012-013号舖
#非一般冰室 ＃鲗鱼涌小店 #以前水族馆商场𠮶度 #dustdustb #hkfoodie #hkfood #香港茶餐厅 #茶餐厅推介 #牛扒
张贴
