影片
更多
2014-07-20
789 浏览
农历大年初二,屋企唔洗去拜年,谂住揾地方去行下,记得启德邮轮码头已经开左一段时间,观塘海滨花园又想去行下,所以当日主题系 "起动九龙东" ,搭车出门口之前,留意到网上有报导牛头角有间茶餐厅,新年期间开工之余,价钱照旧,绝无加价,见到部份街坊留言话佢地o的食物唔错,于是决定黎呢间茶餐厅午餐 原来祥荣茶冰厅已经有40年历史,门口都有个旧冰室会见到o既面包柜,不过当日农历新年关系,冇面包及蛋糕卖,入去觉得有种80年代冰室o既感觉,绝对唔似而家旺角或者铜锣湾好多扮怀旧装修o既茶餐厅/冰室 黎到已经系下午茶时间,间舖都几大间,坐低就向侍应叫左个常餐,佢地o既常餐唔似一般茶餐厅配搭,唔系炒蛋及多士,系蒜蓉汁鸡尾肠配薯饼 ,另外呢个餐仲包括芝士焗免治牛肉意粉及餐茶一杯,我叫左热咖啡见到墙上贴左多张电影剧照,原来以前唔少电视剧集及港产片都o系呢间冰室取景 ,头上有旧式风扇,而家o系香港好少地方见到落单后大约5分钟,蒜蓉汁鸡尾肠配薯饼同埋热咖啡黎到,再等多几分钟,芝士焗免治牛肉意粉亦都焗好,侍应送黎o既时候真系有好香o既芝士味 呢个时候留意到之前侍应俾o个把餐刀黏住一点纸屑 ,或者洗得唔干
原来祥荣茶冰厅已经有40年历史,门口都有个旧冰室会见到o既面包柜,不过当日农历新年关系,冇面包及蛋糕卖,入去觉得有种80年代冰室o既感觉,绝对唔似而家旺角或者铜锣湾好多扮怀旧装修o既茶餐厅/冰室
黎到已经系下午茶时间,间舖都几大间,坐低就向侍应叫左个常餐,佢地o既常餐唔似一般茶餐厅配搭,唔系炒蛋及多士,系蒜蓉汁鸡尾肠配薯饼 ,另外呢个餐仲包括芝士焗免治牛肉意粉及餐茶一杯,我叫左热咖啡
见到墙上贴左多张电影剧照,原来以前唔少电视剧集及港产片都o系呢间冰室取景 ,头上有旧式风扇,而家o系香港好少地方见到落单后大约5分钟,蒜蓉汁鸡尾肠配薯饼同埋热咖啡黎到,再等多几分钟,芝士焗免治牛肉意粉亦都焗好,侍应送黎o既时候真系有好香o既芝士味
呢个时候留意到之前侍应俾o个把餐刀黏住一点纸屑 ,或者洗得唔干净,只好叫侍应换过另一把餐刀 鸡尾肠有两条,一块薯饼,可以点o的蒜蓉汁黎食
热咖啡都系一般茶餐厅味道,冇乜特别
芝士焗免治牛肉意粉卖相虽然一般,仲焗到有o的㶶添 ,不过落左芝士焗真系好香 ,碟意粉几大兜,肉酱啖啖肉,都算有几多汁用黎捞意粉
呢份常餐都算抵食,$36可以食到味道唔错o既芝士焗免治牛肉意粉 俾钱时去柜位问下负责收钱o既疑似老板娘,原来佢唔知道网上有报导呢间冰室新年期间价钱照旧冇加价,佢话间中都会有人借黎拍戏,另外,我问过佢地原来以前同跑马地一间旧式茶餐厅有关系,不过跑马地o个间而家转左老板
虽然门口贴左张纸话新年唔加价,不过俾我发现枱上有两张新旧餐牌 ,差不多每款食物及饮品价钱都相差$1,即系新一年加左价,不过就唔会o系农历新年假期加收额外费用,无论如何,对各位食客都系一件好事
香港唔少餐厅食肆都会趁农历新年假期加收额外费用,令人有少少抢钱感觉 ,呢间冰室为香港人服务,唔系做游客生意,虽然少左华丽o既装潢,不过多左份久违o既人情味
若果大家钟意旧怀感觉,日后去开牛头角,不妨黎呢间祥荣茶冰厅试下食完野就继续当日行程,先去启德邮轮码头,之后去观塘海滨花园,两个地方都好适合黎影相
启德邮轮码头系全港最大空中花园,可以睇尽维多利亚港两岸,内有中央草坪,水景花园及喷泉广场
至于观塘海滨花园有海滨长廊,除左睇到启德邮轮码头夜景,每晚广场都有音乐,灯光及水雾效果汇演
张贴
