金龍冰室 (已結業)

是晚嚟到大围区揾食。一向都知大围区出名食肆林立，所以行咗一阵，离远望到有间天蓝色装潢嘅冰室，感觉几雅致，于是就行咗入去。～～～🐨甫坐下，店员都即时奉上热水两杯，仲同我地介绍铁板餐。但由于我地唔系太肚饿，所以谂住食个常餐就算。～～～🐨当时夜晚七点左右，常餐喺特定时间索价$45，但系其余时间要额外加$10。我地都冇所谓，就加咗$10啦！一嚟就热柠水同热杏霜，都系用黑白淡奶厚身杯装住，似乎可以保持温度。跟手嚟咗两碗米粉，由于瑞士汁鸡翼同吉列猪扒系分开上，感觉兜米粉唔太吸引，而且米粉汤完全冇味。可能餐厅想你自己倒啲瑞士汁落去碗米粉度啦！～～～🐨最后嚟埋声称用咗「3.6北海道牛乳」嚟制作嘅炒蛋同奶酱厚多士，但系炒蛋唔觉有牛奶香味，甚至连蛋味都唔觉有。。。至于奶酱多，炼奶同花生酱都偏少，好干身，完全不符合我对茶记常餐嘅期望。